Нобэ

27 января, 2022 - 12:30

♦Нацизмэм ихьахэм я фэеплъым и дунейпсо махуэщ

♦Урысейм и Дзэ щIыхьым и махуэщ - Ленинград къалэр блокадэм кърагъэкIащ. Нэмыцэ фашист зэрыпхъуакIуэхэм я къэухъуреихьыныгъэм жэщ-махуэ 900-кIэ ита къалэр I944 гъэм советыдзэхэм хуит къащIыжащ.
♦1725 гъэм дунейм ехыжащ Урысейм и япэ император Петр Езанэр.
♦1820 гъэм капитан Беллинсгаузен Фаддей зи унафэщI къэхутакIуэ гупым Антарктидэр къызэIуахащ. Махуэ 750-кIэ тенджызым тета кхъухьхэм материкыр ихъуреягъкIэ къызэпакIухьат, хытIыгу 28-рэ къызэIуахат, ауэ мылылъэ Антарктидэм я лъэ теувэфакъым.
♦1904 гъэм Урыс-Япон зауэм щIидзащ.
♦1924 гъэм Москва Лениным и Мавзолейр къыщызэIуахащ.
♦1941 гъэм «КъБР-м щIыхь зиIэ и дохутыр» цIэ лъапIэр ягъэуващ. 
♦1945 гъэм советыдзэхэм хуит къащIыжащ нэмыцэхэм Польшэм щащIа Освенцим гъэрэщым исахэр.
♦1967 гъэм хьэршыр дуней псом къэралу тетхэм зэрейм теухуа дэфтэрым Iэ традзащ.
♦1968 гъэм Налшык Музыкэ театр къыщызэIуахащ.
♦1940 гъэм къалъхуащ къэрал, жылагъуэ лэжьакIуэ, Социалист Лэжьыгъэм и ЛIыхъужь Хьэгъэжей Джонсон.
♦1947 гъэм къалъхуащ композитор, КъБР-м гъуазджэхэмкIэ щIыхь зиIэ и лэжьакIуэ Жырыкъ Заур.
♦1951 гъэм къалъхуащ КъБР-м щIыхь зиIэ и юрист, Чэт Юрэ.
♦1952 гъэм къалъхуащ КъБР-м гъуазджэхэмкIэ щIыхь зиIэ и лэжьакIуэ Бэрэгъун Руслан.

Дунейм и щытыкIэнур

«pogoda.yandex.ru» сайтым зэритымкIэ, Налшык уфауэ щыщытынущ, пIалъэ-пIалъэкIэрэ уэс къыщесынущ. ЩIыIэр махуэм I градус, жэщым градуси 6 – 5 щыхъунущ.

Лъэпкъ Iущыгъэ:
Узыдэмыхьэ къуэладжэ лы дэзщ.
 

Зыгъэхьэзырар ЖЬЭКIЭМЫХЪУ Маринэщ.
  • 16 просмотров
Поделиться:

Читать также:

27.04.2024 - 09:56 → НОБЭ
25.04.2024 - 09:00 → НОБЭ
24.04.2024 - 13:21 → ЩIым и махуэ
24.04.2024 - 11:43 → НОБЭ
23.04.2024 - 09:45 → НОБЭ