♦Урысей Федерацэм и Транспорт полицэм и махуэщ
♦УФ-м IэщэкIэ ЗэщIэузэда и Къарухэм дзэхэр зыхуей хьэпшыпхэмрэ ерыскъыпхъэхэмкIэ къызэзыгъэпэщ и IэнатIэм и махуэщ
♦1911 гъэм пощтыр зэбгрыхыным кхъухьлъатэ япэ дыдэу къыщагъэсэбэпащ. Ар къыщыхъуар Индиерщ: Аллахабад икIыу Наини кIуэ кхъухьлъатэм письмо мини 6,5-рэ нэгъуэщI корреспонденцэу 250-рэ илъащ. Абыхэм ящыщ дэтхэнэми «КхъухьлъатэкIэ зэбграха япэ пощт» жиIэу мыхъур тегъэуат.
♦1924 гъэм Налшык Лениным и цIэр зезыхьэ еджапIэ къалэ цIыкIу къыщызэIуахащ.
♦1930 гъэм США-м щыщ астроном Томбэ Клайд Уильям Плутон планетэр зэрыщыIэр къихутащ.
♦1943 гъэм Адыгэ Республикэр нэмыцэ-фашист зэрыпхъуакIуэхэм къыIэщIагъэкIыжащ.
♦1945 гъэм Австрием нэмыцэхэм щаIа Матхаузен гъэрэщым фашистхэм щаукIащ генерал-лейтенант, дзэ щIэныгъэхэм я доктор, Совет Союзым и ЛIыхъужь Карбышев Дмитрий.
♦1960 гъэм США-м щыщ Скво-Вэлли щIыпIэм къыщызэIуахащ VIII ЩIымахуэ Олимп джэгухэр. Ахэр мазаем и 28 пщIондэ екIуэкIащ. Абы щыгъуэщ биатлоныр олимп зэхьэзэхуэхэм хагъэхьэжауэ щыщытар (1948 гъэм и ужькIэ хагъэкIауэ щытащ).
♦1979 гъэм Сахарэ къумым уэс къыщесащ.
♦1745 гъэм къалъхуащ Италием щыщ физик, химик цIэрыIуэ, электроуэздыгъэм теухуа щIэныгъэм и лъабжьэр зыгъэтIылъа Вольтэ Алессандрэ.
♦1898 гъэм къалъхуащ Италием щыщ конструктор, автомобиль къыщIэзыгъэкI компание къызэзыгъэпэща Феррари Энцо.
♦1895 гъэм къалъхуащ совет дзэ къулыкъущIэ, Совет Союзым и Маршал, Совет Союзым тIэунейрэ и ЛIыхъужь Тимошенкэ Семён.
♦1903 гъэм къалъхуащ Совет къэрал, парт къулыкъущIэ, СССР-м и Совет Нэхъыщхьэм и Президиумым и УнафэщIу щыта Подгорный Николай.
♦1928 гъэм къалъхуащ КъШР-м мэкъумэш хозяйствэмкIэ щIыхь зиIэ и лэжьакIуэ Арэшыкъуэ Къанщауэ.
♦1935 гъэм къалъхуащ тхакIуэ, КъБР-м щэнхабзэмкIэ щIыхь зиIэ и лэжьакIуэ Къуэдзокъуэ Хьэсэн.
♦1939 гъэм къалъхуащ критик, литературовед, УФ-мрэ Адыгеймрэ щIэныгъэхэмкIэ щIыхь зиIэ я лэжьакIуэ, ЩIДАА-м и академик ШащIэ Къазбэч.
♦1973 гъэм къалъхуащ урысей фигуристкэ, гъэсакIуэ, Олимп джэгухэм (2002) дыжьын медаль къыщызыхьа, УФ-м спортымкIэ щIыхь зиIэ и мастер Лобачёвэ Иринэ.
♦1974 гъэм къалъхуащ урысей теннисист, Олимп чемпион (2000), УФ-м спортымкIэ щIыхь зиIэ и мастер Кафельников Евгений.
♦1981 гъэм къалъхуащ урысей баскетболист, Пекин щекIуэкIа Олимп Джэгухэр (2008 гъэм) къыщызэIуахым УФ-м и къэрал ныпыр утыкум къизыхьа Кириленкэ Андрей.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. Хуабэр махуэм градуси 10 - 11, жэщым градуси 2 - 3 щыхъунущ.
Лъэпкъ Iущыгъэ:
Псалъэ IэфIыр мэгъущIэри, псалъэ дыджыр мэщIытэ.
