ЗэфIэкI зиIэхэм я зэпеуэ

1 апреля, 2022 - 08:00

ГъуазджэхэмкIэ Кавказ Ищхъэрэ къэрал институтым Щэнхабзэмрэ гъуазджэмкIэ и колледжым гъатхэпэм и 19-26-хэм щекIуэкIащ «Творческие вершины» зэпеуэр. Ар къызэригъэпэщащ «Художественнэ егъэджэныгъэмкIэ методикэ центр» IуэхущIапIэм, КъБР-м ЩэнхабзэмкIэ и министерствэмрэ ГъуазджэхэмкIэ Кавказ Ищхъэрэ къэрал институтымрэ и дэIэпыкъуэгъуу. Зэхьэзэхуэм хэтащ Кавказ Ищхъэрэ федеральнэ щIыналъэм и хэгъэгу псоми къикIахэр.
Зэпеуэм хэт ныбжьыщIэхэр лIэужьыгъуитIым - «ЦIыхубэ Iэмэпсымэхэр», «Фортепиано» - я зэфIэкI щеплъыжащ. ЩIалэхэмрэ хъыджэбзхэмрэ ягъэзэщIащ хамэ къэрал, урыс композиторхэм я IэдакъэщIэкIхэр, къагъэщIэрэщIэжа цIыхубэ уэрэдхэмрэ пшыналъэхэмрэ. 
ЦIыхубэ макъамэ Iэмэпсымэхэмрэ пианинэ еуэхэмрэ я зэхьэзэхуэ нэужьым абы кърикIуахэр къэпщытакIуэ гупым хэтхэм зэхалъхьэжащ икIи абы щытекIуахэмрэ къыхэжаныкIахэмрэ ягъэнаIуэри ягъэлъэпIащ. 

Сурэтхэр КЪАРЕЙ Элинэ трихащ.

ТЕКIУЖЬ Заретэ.
  • 33 просмотра
Поделиться: