Ныбжьэгъу лъапIэхэ!
Медицинэм и лэжьакIуэм и махуэмкIэ си гум къыбгъэдэкIыу сынывохъуэхъу!
Медицинэ лэжьакIуэм и IэщIагъэм укъыхуигъэщIауэ щытын хуейщ. Фэ фи гъащIэр хуэвгъэпсащ мыхьэнэшхуэ зиIэ икIи щхьэпагъышхуэ зыпылъ Iуэхугъуэм - цIыхухэм еIэзэным, нэхъ лъапIэ дыдэу щыIэр - цIыхум и гъащIэмрэ узыншагъэмрэ - хъумэным. Фи лэжьыгъэм къалэн къыфщещI жэуаплыныгъэшхуэ, гущIэгъу, гулъытэ фхэлъыну, псэемыблэжу фыщытыну, фызыпэрыт IэнатIэм къаруушхуэ ефхьэлIэну. Дэнэ фыщылажьэми - поликлиникэми, сымаджэщми, фельдшер-акушер пунктми - фэ куэдкIэ фэлъытащ цIыхухэм, абыхэм я унагъуэхэм я гъащIэр, ди лъэпкъым и къэкIуэнур. ФIыщIэ фхузощI фыкъэмылэнджэжу фи IэнатIэм фызэрыпэрытым, фи лэжьыгъэ мытыншым фи гур зэретам, фи IэщIагъэм къалэн къыфщищIхэм фазэрыхуэпэжым папщIэ.
КъэкIуэну илъэсхэм дэ къыпытщэнущ республикэм узыншагъэр хъумэнымкIэ и IэнатIэм зегъэужьыным, егъэфIэкIуэным. Дэ ди къалэнщ фIагъ лъагэ зиIэ медицинэ дэIэпыкъуныгъэр унэтIыныгъэ псомкIи зэхуэдэу дэтхэнэми едгъэгъуэтыныр, медицинэм и лэжьакIуэхэм я IэнатIэр нэхъ тынш къащызыщIын иджырей щытыкIэхэр къахузэгъэпэщыныр.
Шэч къытесхьэркъым, дызэкъуэтмэ, узыншагъэр хъумэнымкэ IэнатIэр егъэфIэкIуэным хуэунэтIауэ къэув къалэнхэр дгъэзэщIэныр зэрытхутхузэфIэкIынум.
Узыншагъэ быдэ, ехъулIэныгъэ, зэIузэпэщыныгъэ фиIэну, фи Iуэхухэр сыткIи ефIэкIуэну сынывохъуэхъу.
