Нобэ

ТекIуэныгъэм и Парадыр щекIуэкIа махуэщ. 1945 гъэм Москва и Утыку Плъыжьым ирикIуащ СССР-р Германием зэрытекIуам и щIыхькIэ къызэрагъэпэща парадыр.
Чувашие Республикэм и махуэщ
Шотландием и щхьэхуитыныгъэм и махуэщ
Азербайджаным щагъэлъапIэ машинэ зыщI промышленностым и лэжьакIуэхэм я махуэр
1812 гъэм
франджы император Наполеон Бонапарт и армэр, Неман псыр къызэпиупщIри, Урысей империем къизэрыгуащ – 1812 гъэм екIуэкIа Хэку зауэ фIэщыгъэр иIэу ди тхыдэм хыхьа зэпэщIэтыныгъэшхуэм щIидзащ.
1930 гъэм радар Iэмэпсымэр япэу къагъэсэбэпащ, уэгум ит кхъухьлъатэм зыпащIэн папщIэ. 
1934 гъэм Киев Украинэм и къалащхьэ хъуащ. Абы и пэкIэ а республикэм и щыхьэру щытар Харьковт.
1937 гъэм Республикэм и Советхэм я зи мычэзу съездым къищтащ Къэбэрдей-Балъкъэр АССР-м и япэ Конституцэр.
1941 гъэм къызэрагъэпэщащ Совет хъыбарегъащIэ бюрор. Аращ фронтым щекIуэкIхэм цIыхубэр щыгъуазэ зыщIу щытар.
1908 гъэм къалъхуащ СССР-м и цIыхубэ артисткэ Ладынинэ Маринэ.
1912 гъэм къалъхуащ совет актёр, Урысейм и цIыхубэ артист Филиппов Сергей.
1923 гъэм къалъхуащ филологие щIэныгъэхэм я доктор, профессор, ЩIДАА-м и академик, УФ-ми АР-ми щIэныгъэхэмкIэ щIыхь зиIэ я лэжьакIуэ КIэрашэ Зейнаб.
1936 гъэм къалъхуащ медицинэ щIэныгъэхэм я доктор, АКъУ-м и профессор, УФ-м щIыхь зиIэ и дохутыр АфIэунэ Алий.
1951 гъэм къалъхуащ къэрал лэжьакIуэ, режиссёр, УФ-м, Абхъазым, КъБР-м гъуазджэхэмкIэ щIыхь зиIэ я лэжьакIуэ Фырэ Руслан.
1987 гъэм къалъхуащ ди зэманым и футболист нэхъыфI дыдэхэм хабжэ, олимп чемпион, Аргентинэм и командэ къыхэхам и капитан, Франджым и «Пари Сен-Жермен» клубым щыджэгу Месси Лионель.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 21 – 22-рэ, жэщым градус 15 - 16 щыхъунущ.

Лъэпкъ Iущыгъэ:
СопIащIэ жыпIэу, шы лъэхъа умышэс.

 

 

Зыгъэхьэзырар ЖЬЭКIЭМЫХЪУ Маринэщ.
Поделиться:

Читать также:

27.03.2024 - 15:00 НОБЭ
26.03.2024 - 08:01 НОБЭ
25.03.2024 - 12:07 НОБЭ
22.03.2024 - 15:54 Псым и махуэ