Нобэ

Урысейм щагъэлъапIэ зауэ зэпэщIэтыныгъэ зэхуэмыдэхэм хэта ветеранхэм я махуэр 
Бурятием егъэлъапIэ езым фIэфIу Урысей къэралыгъуэм щыхыхьа махуэр (I66I гъэм) 
Армением и прокуратурэм и лэжьакIуэм и махуэщ
Тыркум и Дзэ-тенджыз къарухэм я махуэщ
Канадэм и махуэщ 
Инджылызым щагъэлъапIэ ЩIыналъэм и махуэр
1200 гъэм Китайм дунейм щыяпэу щащIащ нэхэр дыгъэм зэрыщахъумэ нэгъуджэ.
1862 гъэм Москва къыщызэIуахащ къэрал библиотекэ.
1875 гъэм дунейпсо пощт зэгухьэныгъэр къызэрагъэпэщащ.
1882 гъэм Петербург лэжьэн щыщIидзащ япэ телефон станцым.
1904 гъэм Сент-Луис (США) къыщызэIуахащ III гъэмахуэ Олимп джэгухэр.
1917 гъэм Урысейр япэ дыдэу техьащ гъэмахуэ зэманым.
1921 гъэм Шанхайм къыщызэрагъэпэщащ Китайм и Компартыр.
1955 гъэм дунейм къытехьащ «Иностранная литература» литературно-художественнэ журналым и япэ номерыр.
1957 гъэм Москва и Театр Иным щызэхэтащ Къэбэрдейр езым фIэфIу Урысейм зэрыгухьэрэ илъэс 400 зэрырикъум и щIыхькIэ къызэрагъэпэща, Къэбэрдей-Балъкъэр АССР-м и гъуазджэмрэ щэнхабзэмрэ я лэжьакIуэхэм ята иужьрей концертыр.
1966 гъэм СССР-м колхозхэтхэми мазэ къэс улахуэ ирату щыщIадзащ.
1981 гъэм КъБР-м и цIыхубэ усакIуэ КIыщокъуэ Алим СССР-м и ТхакIуэхэм я зэгухьэныгъэм и правленэм и секретару хахащ.
1889 гъэм къалъхуащ совет скульптор, сурэтыщI цIэрыIуэ, СССР-м и цIыхубэ художник, Сталиным и цIэр зезыхьэ саугъэтыр тхуэнейрэ зрата Мухинэ Верэ.
1906 гъэм къалъхуащ Социалист Лэжьыгъэм и ЛIыхъужь Пащты Салимэ.
1911 гъэм къалъхуащ Совет Союзым и Маршал, СССР-м зыхъумэжыныгъэмкIэ и министру щыта Соколов Сергей.
1925 гъэм къалъхуащ Тыркум щыщ къэхутакIуэ, тхакIуэ Айдемыр (Выщхьэ) Иззэт.
1925 гъэм къалъхуащ совет актрисэ, СССР-м и цIыхубэ артисткэ Лучко Кларэ.
1934 гъэм къалъхуащ Налшык дэта «Севкавэлектроприбор» заводым и слесару щыта, Май щIыналъэм хыхьэ Новоивановскэ къуажэм щыщ, Социалист Лэжьыгъэм и ЛIыхъужь Брагин Владимир.
1934 гъэм къалъхуащ философие щIэныгъэхэм я доктор, КъБКъУ-м и профессор, КъБР-м щIэныгъэхэмкIэ щIыхь зиIэ и лэжьакIуэ Джатэгъэжь Владимир.
1949 гъэм къалъхуащ шэрджэс жылагъуэ лэжьакIуэ, «Хэкужь» щIыналъэ псапащIэ фондым и тхьэмадэ Iэдэмокъуэ Алберд.
1980 гъэм къалъхуащ Китайм и къалащхьэ Пекин къалэм 2008 гъэм щекIуэкIа Олимп джэгухэм алыдж-урым бэнэкIэ лIэужьыгъуэмкIэ чемпион щыхъуа, КъБР-м спортымкIэ и министру щыта Хъущт Аслъэнбэч.
1996 гъэм къалъхуащ урысей фигуристкэ, Сочэ къалэм 20I4 гъэм щекIуэкIа Олимп джэгухэм чемпионкэ щыхъуа Сотниковэ Аделинэ.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 20 - 21-рэ, жэщым градус 16 - 17 щыхъунущ.

Лъэпкъ Iущыгъэ:
Жэщ къыптехъуэу уемыжьэу нэху къыптещэу ежьэ.