Дунейм щыхъыбархэр

Нобэ

Хъарбызым и дунейпсо махуэщ

Къэзахъстаным щагъэлъапIэ транспорт IэнатIэм и лэжьакIуэхэм я махуэр

1492 гъэм испан хыдзэлI Колумб Христофор и унафэм щIэт гупыр, кхъухьищ хъууэ, япэу зекIуэ ежьащ.

1778 гъэм Милан къыщызэIуахащ «Ла Скала» оперэм и унэр.

1799 гъэм урысеидзэм и кхъухьхэр Тыркум япэ дыдэу хуит ищIащ Босфор псы дэжыпIэм къыпэрымыуэу дигъэкIыну.

1783 гъэм Куржым (Грузием) и КъухьэпIэ лъэныкъуэр Урысейм хыхьащ.

1942 гъэм ЗыхъумэжыныгъэмкIэ Налшык комитетым зыхъумэжыныгъэмкIэ гупхэр къызэгъэпэщыным теухуа унафэ къищтащ.

1943 гъэм партизанхэм «ГъущI гъуэгу зауэ» зыфIаща бэнэныгъэм щIадзащ. Абыхэм фашистхэм яубыда щIыпIэхэм гъущI гъуэгухэр къыщагъауэрт, нэмыцэдзэр ди къэралым хуиту щызекIуэну Iэмал ирамыту.

1952 гъэм Хельсинки щызэхуащIыжащ ХV Олимп Джэгухэр. Абы япэ дыдэу СССР-м и спортсменхэр хэтащ.

1959 гъэм Москва къыщызэIуахащ къэрал куэдым я лIыкIуэхэр зыхэта япэ кинофестивалыр.

1980 гъэм Москва щызэхуащIыжащ ХХII гъэмахуэ Олимп джэгухэр

1994 гъэм Налшык къыщызэIуахащ Бгырысхэм я дунейпсо конгресс.

1935 гъэм къалъхуащ Молдавием щыщ уэрэджыIакIуэ цIэрыIуэ, СССР-м и цIыхубэ артисткэ, СССР-м и Къэрал саугъэтыр, Лениным и щIыхькIэ ягъэувауэ щыта саугъэтыр зыхуагъэфэща Биешу Марие.

1936 гъэм къалъхуащ КъБР-м и цIыхубэ сурэтыщI, скульптор, Къэбэрдей-Балъкъэрым и Къэрал саугъэтыр зрата БжэIумых Хьид.

1939 гъэм къалъхуащ адыгэ усакIуэ КIэмыргуей Анатолэ.

1942 гъэм къалъхуащ публицист, тхыдэ щIэныгъэхэмкIэ кандидат, УФ-м щэнхабзэмкIэ щIыхь зиIэ и лэжьакIуэ Мэшыкъуэ Тэзэл.

1935 гъэм къалъхуащ урысей хоккеист, дунейм и чемпион, Олимп джэгухэм тIэунейрэ я чемпион Васильев Валерий къызэралъхурэ илъэс 69-рэ ирокъу.

1955 гъэм къалъхуащ медицинэ щIэныгъэхэмкIэ доктор, КъБКъУ-м и профессор, ЩIДАА-м и академик Джаурджий Оксанэ.

1955 гъэм къалъхуащ химие щIэныгъэхэмкIэ доктор, профессор, РАЕН-м и член-корреспондент, тхакIуэ, зэдзэкIакIуэ Хьэмыз Руслан.

1986 гъэм къалъхуащ Белоруссием щыщ биатлонисткэ цIэрыIуэ, дуней псом тIэунейрэ, Олимп Джэгухэм щэнейрэ я чемпионкэ Домрачевэ Дарье.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 26 – 27-рэ, жэщым градус 19 – 20 щыхъунущ.

Лъэпкъ Iущыгъэ:

Чэнджащэ Iуэщхъукъым, упщIэ щIэщхъукъым.