Эквадор Республикэм и щхьэхуитыныгъэм и махуэщ. I809 гъэм ар Испанием къызэрыхэкIым теухуа унафэ къащтащ, ауэ къэрал щхьэхуит щыхъупар I822 гъэрщ.
1500 гъэм Португалием щыщ хыдзэлI Диаш Диегу Мадагаскар хытIыгур къигъуэтащ.
1793 гъэм дунейм и музей нэхъ ин дыдэхэм ящыщ, Париж дэт Луврыр цIыхухэр щIыхьэну, абы зыщаплъыхьыну хуиту къызэIуахащ.
1833 гъэм иджырей Чикагэ къалэм (США) и лъабжьэр ягъэтIылъащ. А зэманым ар цIыху щитI иримыкъу щыпсэу Уинди-Сити къуажэ цIыкIурт.
1876 гъэм Канадэм щыщ Онтарио штатым и Брантфорд къалэм дунейм щыяпэу телефонкIэ ипсэлъыкIри, Белл Александр зыпищIащ абы километр 13-кIэ пэжыжьэ Парис къалэм.
1889 гъэм Инджылызым щыщ Райлэндс Дэн зи щхьэтепIэр щхьэщыпIуантIэ хъу птулъкIэ къызэригупсысам щыхьэт техъуэ тхылъ къратащ.
1921 гъэм РСФСР-м пощт маркэхэр къыщыдагъэкIыу щIадзащ.
1985 гъэм Джексон Майкл доллар мелуан 47,5-кIэ «Битлз» гупым и уэрэд псори къищэхуащ.
1814 гъэм къалъхуащ Швейцарием щыщ фармацевт, хьэрычэтыщIэ, «Nestle» компаниер къызэзыгъэпэща Нестле Генри.
1894 гъэм къалъхуащ совет тхакIуэ, драматург, зэдзэкIакIуэ Iэзэ Зощенкэ Михаил.
1921 гъэм къалъхуащ КъБР-м и цIыхубэ тхакIуэ, щIэныгъэлI Нало Ахьмэдхъан.
1929 гъэм къалъхуащ КъБР-м щэнхабзэмкIэ щIыхь зиIэ и лэжьакIуэ Емуз Гъузер.
1929 гъэм къалъхуащ театрымрэ киномрэ я актёр цIэрыIуэ, СССР-м и цIыхубэ артист Стриженов Олег.
1930 гъэм къалъхуащ къэрал, жылагъуэ лэжьакIуэ, «Горянка» газетым и япэ редактор нэхъыщхьэу щыта Сэбаншы Розэ.
1930 гъэм къалъхуащ литературовед, Дагъыстэным щIыхь зиIэ и егъэджакIуэ Ержыб Аслъэн.
1937 гъэм къалъхуащ къэрал къулыкъущIэ, политик Собчак Анатолэ.
1940 гъэм къалъхуащ Сирием къикIыжа щIэныгъэлI, тхакIуэ Къумыкъу Мамдухь.
1940 гъэм къалъхуащ совет актёр, режиссёр, тхакIуэ, «Хэкум и пащхьэм щиIэ фIыщIэхэм папщIэ» орденым и IV нагъыщэр зыхуагъэфэща Смехов Вениамин.
1940 гъэм къалъхуащ медицинэ щIэныгъэхэмкIэ доктор, КъБКъУ-м и профессор, КъБР-м щIэныгъэхэмкIэ щIыхь зиIэ и лэжьакIуэ Мызэущ Борис.
1948 гъэм къалъхуащ усакIуэ, тхакIуэ, «Адыгэ амазонкэхэр» тхылъыр зи IэдакъэщIэкI Ахъмэт МуIэед.
1960 гъэм къалъхуащ Испанием къыщалъхуа, США-м щыпсэу киноактёр цIэрыIуэ Бандерас Антонио.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 26 – 28-рэ, жэщым градус 18 – 19 щыхъунущ.
Лъэпкъ Iущыгъэ:
УмэжалIэкIэ къыппэщIэхуэр иумыгуэ,
узэгуэпкIэ къыбжьэдэхуэр жумыIэ.
