ДУНЕЙМ ЩЫХЪЫБАРХЭР

Нобэ

♦Латвием и къалащхьэ Ригэ и махуэщ

♦Индонезие Республикэм и щхьэхуитыныгъэм и махуэщ

♦1771 гъэм Екатеринэ ЕтIуанэм и указкIэ Къэбэрдей цIыхубэм Щытхъу тхылъ къаритащ.

♦1812 гъэм пащтыхь Александр Езанэм урысыдзэм и командующэ нэхъыщхьэу игъэуващ Кутузов Михаил.

♦1903 гъэм Пулитцер Джозеф игъэуващ и цIэр зезыхьэ саугъэт, литературэм, журналистикэм, музыкэм, театрым ехъулIэныгъэшхуэхэр къыщызыхьхэм иратыну. Иджыпсту ар саугъэт нэхъ лъапIэхэм щыхабжэ США-м.

♦1928 гъэм Москва «Динамо» стадионыр къыщызэIуахащ.

♦1934 гъэм СССР-м и ТхакIуэхэм я зэгухьэныгъэм и япэ съездыр зэхэтащ.

♦1961 гъэм СССР-м къыщызэрагъэпэщащ граждан зыхъумэжыныгъэмкIэ IэнатIэр.

♦1977 гъэм «Арктика» совет мылкъутэ кхъухьыр, зы къэралми апхуэдэ хузэфIэмыкIауэ, ЩIым и Ищхъэрэ полюсым япэу нэсащ.

♦1988 гъэм Ныкъуэдыкъуэхэм я урысейпсо зэгухьэныгъэр къызэрагъэпэщащ.

♦1911 гъэм къалъхуащ дунейпсо гроссмейстер, СССР-м щыщу дунейм шахматымкIэ и чемпион япэу хъуа Ботвинник Михаил.

♦1922 гъэм къалъхуащ Мысырым щыщ къэрал, жылагъуэ лэжьакIуэшхуэ, мамырыгъэр хъумэнымкIэ Дунейпсо Ленин саугъэтыр зрата Мохи-эд-Дин (Жэмбей) Хъалид.

♦1928 гъэм къалъхуащ филологие щIэныгъэхэмкIэ доктор, АКъУ-м и профессор, КъШР-м щIэныгъэхэмкIэ щIыхь зиIэ и лэжьакIуэ Тхьэркъуахъуэ Инус.

♦1935 гъэм къалъхуащ урысей актёр, режиссёр, СССР-ми УФ-ми я Къэрал саугъэтхэр зрата, Совет Союзым и цIыхубэ артист Табаков Олег.

♦1941 гъэм къалъхуащ урысей актёр, режиссёр, сценарист, жылагъуэ лэжьакIуэ, УФ-м и цIыхубэ артист Губенкэ Николай.

♦1942 гъэм къалъхуащ уэрэджыIакIуэ цIэрыIуэ, СССР-м и цIыхубэ артист Магомаев Муслим.

♦1943 гъэм къалъхуащ США-м щыщ актёр, режиссёр, продюсер, «Оскар» саугъэтыр зыхуагъэфэща Роберт де Нирэ.

♦1946 гъэм къалъхуащ философие щIэныгъэхэмкIэ доктор, КъШКъУ-м и профессор, КъШР-м щIэныгъэхэмкIэ щIыхь зиIэ и лэжьакIуэ, ЩIДАА-м и академик Абдокъуэ Станислав.

♦1952 гъэм къалъхуащ тхыдэ щIэныгъэхэмкIэ доктор, КъБКъУ-м и профессор Куэш Мырзэбэч.

♦1984 гъэм къалъхуащ урысей фигуристкэ, УФ-м спортымкIэ щIыхь зиIэ и мастер, Ванкувер (Канадэ) 2010 гъэм щекIуэкIа щIымахуэ Олимп джэгухэм жэз медаль къыщызыхьа Домнинэ Оксанэ.

Дунейм и щытыкIэнур

«pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 31 - 33-рэ, жэщым градус 24 - 25-рэ щыхъунущ.

Лъэпкъ Iущыгъэ:

Уи псалъэ гъэIэси, уи нэмыс гъэбыдэ.