ДУНЕЙМ ЩЫХЪЫБАРХЭР

Нобэ

♦Шахтёрым и махуэщ

♦Абхъазым и щхьэхуитыныгъэм и махуэщ

♦Осетие Ипщэм и щхьэхуитыныгъэм и махуэщ

♦Тыркум IэщэкIэ зэщIэузэда и къарухэм я махуэщ

♦1382 гъэм тэтэр хъан Тохъутэмыщ и дзэм Москва къиубыдащ икIи абы лыгъэ иридзащ. Абы кIэлъыкIуэу яубыдат Владимир, Переяславль, Юрьев, Звенигород, Можайск къалэхэр.

♦1723 гъэм Петергоф псыутххэр я комплекс щаутIыпщащ.

♦1728 гъэм Беринг Витус Америкэмрэ Азиемрэ я псыдэжыпIэр къихутащ. Зэман дэкIри, абы къэхутакIуэм и цIэр фIащыжащ.

♦1858 гъэм телеграф Iэмэпсымэр япэу къагъэсэбэпауэ щытащ

♦1943 гъэм советыдзэм щIидзащ Днепр псыр нэмыцэ зэрыпхъуакIуэхэм къаIэщIэгъэкIыжыным, Украинэм щыщ Iыхьэр хуит къэщIыжыным хуэунэтIа зауэм.

♦1972 гъэм Германием и Мюнхен къалэм къыщызэIуахащ ХХ гъэмахуэ Олимп джэгухэр. ФокIадэм и 10 пщIондэ екIуэкIа а зэхьэзэхуэхэм лъакъуэрыгъажэ спорт лIэужьыгъуэмкIэ дыщэ медаль къыщихьауэ щытащ адыгэ щIалэ Шыхъуэ Борис. Джэгухэм хэтащ къэрали 121-м я лIыкIуэу цIыху 7170-рэ. Олимпиадэр здекIуэкIым нэщхъеягъуэшхуэ къэхъуат - Израилым и командэм щыщ цIыху 11 хэкIуэдауэ щытащ журтхэм яхуэгъэзауэ ялэжьа терактым.

♦1908 гъэм Тыркум япэ Адыгэ Хасэ къыщызэрагъэпэщащ.

♦1991 гъэм РАН-м прикладной математикэмрэ автоматизацэмкIэ и Къэбэрдей-Балъкъэр щIэныгъэ-къэхутакIуэ институтыр къызэIуахащ.

2000 гъэм УФ-м и Президентым къыдигъэкIащ «Курск» псыщIагъырыкIуэ атом кхъухьым ису хэкIуэдахэм я фэеплъыр гъэлъэпIэным теухуа указым.

♦1451 гъэм къалъхуащ Америкэр зэрыщыIэр 1492 гъэм къэзыхута Колумб Христофор.

♦1925 гъэм къалъхуащ урысей кинорежиссёр, оператор, актёр, композитор, фильм зыбжанэм я сценарийхэр зытха Тодоровский Пётр.

♦1947 гъэм къалъхуащ педагогикэ щIэныгъэхэмкIэ доктор, Педагогикэ егъэджэныгъэмкIэ дунейпсо академием и член-корреспондент Зэгъэщтокъуэ Хьисэ.

♦1947 гъэм къалъхуащ урысей актёр, УФ-м щIыхь зиIэ и артист Арлазоров Ян.

♦1952 гъэм къалъхуащ «Тетраграф» ООО-м и унафэщI, ДАХ-м и саугъэтыр зыхуагъэфэща Шакъ Елбэрд.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 26 - 28-рэ, жэщым градус 19 - 20 щыхъунущ.

Лъэпкъ Iущыгъэ:

Зи щхьэ пщIэ хуэзымыщIыжым пщIэ иIэкъым.