Нобэ

Ядернэ Iэщэхэр гъэунэхуныр мыдэным и дунейпсо махуэщ. 2009 гъэм ООН-м и Ассамблее нэхъыщхьэм и 64-нэ сессием къыщащтащ Къэзахъстаным къыхилъхьа жэрдэмым ипкъ иткIэ.
Урысей МВД-м и къэрал кIуэцI дзэхэм я гуп хэхахэм я махуэщ
1698 гъэм Пётр Езанэм унафэ ищIащ и къэралым ис цIыхухъухэм я жьакIэхэр яупсыну, Европэм щыпсэухэм я щыгъынхэм хуэдэ псоми щатIэгъэну.
1885 гъэм Германием щыщ Даймлер Готлиб япэ мотоциклым и патент къратащ.
1912 гъэм Москва къыщызэIуахащ «Бородино деж щекIуэкIа зауэр» панорамэр. 1812 гъэм екIуэкIа Хэку зауэр илъэсищэ щрикъум ирихьэлIэу ар ирагъэщIат урысей сурэтыщI Рубо Франц.
1938 гъэм СССР-м и цIыхубэ комиссархэм я советым унафэ къыдигъэкIащ цIыхухэм щIэныгъэ нэхъыщхьэ заочнэу зрагъэгъуэтыну Iэмал етыным теухуауэ.
1946 гъэм ООН-м хагъэхьащ Швециер, Афганистаныр, Исландиер.
1949 гъэм СССР-м щыщ академик Курчатов Игорь и унафэм щIэту япэ совет атомнэ бомбэр Семипалатинск щагъэунэхуащ. 
1972 гъэм Германием и Мюнхен къалэм щекIуэкI ХХ гъэмахуэ Олимп джэгухэм лъакъуэрыгъажэ спорт лIэужьыгъуэмкIэ дыщэ медаль къыщихьащ адыгэ щIалэ Шыхъуэ Борис. 
1990 гъэм СССР-м и Совет Нэхъыщхьэм и Президиумым «1920 – 1950 гъэхэм политикэ зэхэзехуэн ящIауэ щытахэр гъэзэхуэжыным и IуэхукIэ» Указ къыдигъэкIащ.
1991 гъэм Къэзахъстаным щызэхуащIыжащ Семипалатинск щыIа ядернэ полигоныр.
1840 гъэм къалъхуащ урыс сурэтыщI, архитектор Брюллов Павел.
1958 гъэм къалъхуащ США-м щыщ уэрэджыIакIуэ, къэфакIуэ. композитор Джексон Майкл.
1982 гъэм къалъхуащ урысей актрисэ цIэрыIуэ, УФ-м щIыхь зиIэ и артисткэ Александровэ (и унэцIэ дыдэр Пупенинэщ) Маринэ.
 

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 29 – 32-рэ, жэщым градус 19 – 23-рэ щыхъунущ.

Лъэпкъ Iущыгъэ:
АдрыщIым ущIэдэумэ, мыдрыщIыр къыплъысынщ.