Дунейм щыхъыбархэрНобэ ♦Псапэ щIэным и дунейпсо махуэщ ♦Къзахъстаным щыпсэу лъэпкъхэм я анэдэлъхубзэхэм я махуэщ ♦Индием щагъэлъапIэ егъэджакIуэм и махуэр ♦1666 гъэм Лондон щагъэункIыфIащ махуищкIэ зыпэмылъэща мафIэсыр. Абы къалэм и ухуэныгъэхэм я Iыхьэ щанэр – унэ минипщIым нэсыр - хисхьат. ♦1698 гъэм Пётр Езанэм жьакIэ зытетхэм къуэды ятын зэрыхуейм теухуа унафэ къыдигъэкIащ. ♦1827 гъэм Урысейм тенджыз IуэхухэмкIэ и министерствэр къызэрагъэпэщащ. ♦1905 гъэм, къэралитIым яку дэлъа зауэр зэриухам и щыхьэту, Урысеймрэ Япониемрэ Iэ традзащ мамырыгъэ зэгурыIуэныгъэм. А тхылъым я Iэ щIэлъщ: Урысей лъэныкъуэмкIэ – Министрхэм я комитетым и унафэщI Витте Сергей, империем и лIыкIуэу США-м щыIэ Розен Роман, Японием щыщу - хамэ къэрал IуэхухэмкIэ министр Комурэ Дзютарэ, Такахирэ Когорэ. ♦1936 гъэм Бахъсэн ГЭС-р лажьэу яутIыпщащ. ♦1941 гъэм, фашистыдзэхэр ди къэралым и къалащхьэм гъунэгъу къызэрыхуэхъуам къыхэкIыу, Москва дагъэIэпхъукIыу хуежьащ зи ныбжьыр илъэс I2 иримыкъуахэр. ♦1941 гъэм нэмыцэдзэхэм Эстонием и щIыналъэр зэрыщыту яубыдащ. ♦1982 гъэм Москва - Лос-Анджелес къалэхэр «телелъэмыж» жыхуаIэ IэмалымкIэ япэ дыдэу зэпащIащ. ♦1997 гъэм Москва къыщызэIуахащ Пётр Езанэм и фэеплъыр, скульптор Церетели Зураб ищIар. А Iуэхур ирагъэхьэлIат Пётр Езанэм къызэригъэпэща Урысей флотыр илъэс 300 щрикъум. ♦1997 гъэм 28-нэ Олимп джэгухэр 2004 гъэм щекIуэкIыну щIыпIэу Алыджым и къалащхьэ Афины ягъэуващ. ♦1817 гъэм къалъхуащ урыс усакIуэ, тхакIуэ, драматург Толстой Алексей. ♦1895 гъэм къалъхуащ адыгэ усакIуэ, композитор, пшынауэ, уэрэджыIакIуэ, КъБР-м гъуазджэхэмкIэ щIыхь зиIэ и лэжьакIуэ Къэжэр Индрис. ♦1929 гъэм къалъхуащ совет космонавт, авиацэм и генерал-майор, Совет Союзым тIэунейрэ и ЛIыхъужь Николаев Андриян. ♦1933 гъэм къалъхуащ УФ-ми КъБР-ми щIыхь зиIэ я энергетик, жылагъуэ лэжьакIуэ Къущхьэ Мухьэжид. ♦1946 гъэм къалъхуащ Инджылызым щыщ уэрэджыIакIуэ, музыкант, «Queen» гупым и солисту щыта Меркьюри Фредди. ♦1948 гъэм къалъхуащ къэрал, жылагъуэ лэжьакIуэ, УФ-м щэнхабзэмкIэ и министру щыта, Урысейм и Къэрал саугъэтыр зыхуагъэфэща Швыдкой Михаил. ♦1984 гъэм къалъхуащ урысей актрисэ, УФ-м щIыхь зиIэ и артисткэ, УФ-м и Президентым и саугъэтыр зыхуагъэфэща, уэгум щытрахыну фильмым хэтыну 2021 гъэм жэпуэгъуэм и 5-м дунейпсо хьэрш станцым лъэта Пересильд Юлие. Дунейм и щытыкIэнур «pogoda.yandex.ru» сайтым зэритымкIэ, Налшык уфауэ щыщытынущ, уэшх къыщешхынущ. Хуабэр махуэм градус 16 - 17, жэщым градус 13 - 15 щыхъунущ. Лъэпкъ Iущыгъэ: Акъылыр ящэркъым, къащэхуркъым – зыхалъхьэ.
Поделиться:
Читать также:
19.04.2024 - 16:23 →
НОБЭ
19.04.2024 - 15:55 →
Ажэгъуэмэ - уэсхэкIыкI - уэсчэсей
18.04.2024 - 16:13 →
НОБЭ
17.04.2024 - 11:48 →
Дунейпсо щIэиным и махуэ
17.04.2024 - 11:43 →
НОБЭ
|