НОБЭ

Жэпуэгъуэм и 11,  гъубж 

Хъыджэбз цIыкIухэм я дунейпсо махуэщ
ЦIыхум лы лей зытрилъхьэным ебэныным и дунейпсо махуэщ
Башкортостан Республикэм и къэралыгъуэм и махуэщ
Белоруссием щагъэлъапIэ щэнхабзэм и лэжьакIуэхэм я махуэр
Абхъазым IэщэкIэ зэщIэузэда я къарухэм я махуэщ
1783 гъэм Екатеринэ ЕтIуанэм и унафэкIэ Урысейм щIэныгъэхэмкIэ и академиер къызэрагъэпэщащ
1881 гъэм Америкэм щыщ Хьюстон Дэвид сурэттехым иралъхьэ плёнкэр къызэригупсысам щыхьэт техъуэ патент иратащ.
1887 гъэм Америкэм щыщ къэхутакIуэ Эдисон Томас хэхыныгъэхэм Iэуэ щаIэтар къызэрабж, электрокъарукIэ лажьэ аппарат къигупсысащ.
1931 гъэм СССР-м къыщащтащ цIыхум езым еймкIэ сату ищIыну хуит зымыщI унафэ.
1936 гъэм Уралым (Тагил Ищхъэрэ къалэм) вагон щащI завод къыщызэрагъэпэщащ. Хэку зауэшхуэм и лъэхъэнэм ар щытащ советыдзэм и Iэщэ лъэщ танкхэр къыщыщIигъэкI IуэхущIапIэшхуэу. 
1941 гъэм Къэбэрдей-Балъкъэр тхылъ тедзапIэм къыдигъэкIащ республикэм и усакIуэхэм я IэдакъэщIэкIхэр зэрыт «Iэщэр къафщтэ» тхылъыр. 
1961 гъэм Совет Союзым Семипалатинск щиIэ полигоным и щIы щIагъым япэу щагъэунэхуащ абы къыщагъэуа ядернэ бомбэм и къарур.
1783 гъэм къалъхуащ нэмыцэ, щIэныгъэлI, зыплъыхьакIуэ, бзэ куэд зыщIэу щыта, адыгэхэм я псэукIэм мызэ-мытIэу тетхыхьа Клапрот Юлиус.
1956 гъэм къалъхуащ полицэм и генерал-майор, КъБР-м щIыхь зиIэ и юрист Кумыщ Мухьэрбий.
1958 гъэм къалъхуащ къэрал, жылагъуэ лэжьакIуэ, КъБР-м тхылъыр фIыуэ зылъагъухэм я зэгухьэныгъэм и тхьэмадэ, республикэм и ЩIыхь тхылъыр зыхуагъэфэща Бекъул Аслъэнбэч. 
1963 гъэм къалъхуащ урысей актёр, теленэтынхэр езыгъэкIуэкI, УФ-м и цIыхубэ артист Верник Игорь.
1967 гъэм къалъхуащ Къэбэрдей-Балъкъэрым и Муслъымэнхэм я дин IуэхущIапIэм и унафэщIу 2004-20I10 гъэхэм лэжьа ПщыхьэщIэ Анас.
1977 гъэм къалъхуащ урысей фигуристкэ, Олимп чемпионкэ, Урысейм спортымкIэ щIыхь зиIэ и мастер Бережная Еленэ. 

Дунейм и щытыкIэнур

«pogoda.yandex.ru сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 13-14, жэщым градуси 9-10 щыхъунущ.

Лъэпкъ Iущыгъэ:

Пхуэмыфащэ щауэгъу умыщI.