Статистикэм и дунейпсо махуэщ
ПщафIэхэм я дунейпсо махуэщ
Авиадиспетчерым и дунейпсо махуэщ
Кредит зэгухьэныгъэхэм я дунейпсо махуэщ
ЦIыхум и къупщхьэхэр зэблэзыш узыфэм пэщIэтыным и дунейпсо махуэщ
Урысейм и дзэ связистым и махуэщ
Сербием щагъэлъапIэ Белград къалэр хуит къыщащIыжа махуэр. 1944 гъэм советыдзэхэмрэ Югославием и партизанхэмрэ Белград къалэр нэмыцэ зэрыпхъуакIуэхэм къыIэщIагъэкIыжащ.
1714 гъэм Пётр Езанэм къыдигъэкIащ мывэм къыхэщIыкIа унэхэр Урысейм щемыгъэухуэным теухуа унафэ. Мывэ унэхэр щащIыну пащтыхьым хуит ищIыр, уеблэмэ ар къалэну щигъэувар Санкт-Петербург къалэм и закъуэт. Урысейм и щIыпIэ куэдым щыщ мыващIэхэр, лэжьапIэншэу къэна нэужь, къалащхьэщIэм зэрыхьу ар нэхъ екIу, нэгъуэщI къэралхэм я щыхьэрхэм зыкIи къакIэрымыху абыхэм яригъэщIынырт Пётр Езанэм ищIа унафэм и мурад нэхъыщхьэр.
1880 гъэм Москва циркыр къызэIуахащ.
1930 гъэм РСФСР-м щыщ Красноярск крайм хыхьэу къызэрагъэпэщащ Хакасскэ автономнэ областыр. Иджыпсту УФ-м хыхьэ Хакасие республикэщ.
1938 гъэм Приморскэ, Хабаровскэ крайхэр къызэрагъэпэщащ.
1956 гъэм СССР-м и Совет Нэхъыщхьэм и Президиумым унафэ къищтащ «ЩIыщIэхэр къызэраIэтам папщIэ» медалыр гъэувыным теухуауэ.
1970 гъэм «Спортлото» лотереем и япэ гъэджэгугъуэр екIуэкIащ.
2000 гъэм КъБР-м щыщ Шэджэм къуажэр къалэ хъуащ.
1911 гъэм къалъхуащ къэрал къулыкъущIэ, политик, Социалист Лэжьыгъэм и ЛIыхъужь, СССР-м и Совет Нэхъыщхьэм и зэхуэсыгъуитхум я депутату щыта Тэрчокъуэ Къамболэт.
1934 гъэм къалъхуащ химие щIэныгъэхэмкIэ доктор, КъБКъУ-м и профессор, ЩIДАА-м и академик, КъБР-м щIэныгъэхэмкIэ щIыхь зиIэ и лэжьакIуэ Шурдым Гъэзалий.
1936 гъэм къалъхуащ къэрал, жылагъуэ лэжьакIуэ, КъБР-м щIыхь зиIэ и юрист Жыгун Хьэту.
1938 гъэм къалъхуащ биологие щIэныгъэхэмкIэ доктор, КъБКъУ-м и профессор Къущхьэ Хъусен.
1940 гъэм къалъхуащ усакIуэ, егъэджакIуэ, АР-м щIыхь зиIэ и егъэджакIуэ Мэхъуэш Руслан.
1948 гъэм къалъхуащ КъБР-м щIыхь зиIэ и ухуакIуэ Хьэжы Руслан.
1963 гъэм къалъхуащ урысей тележурналист, публицист, жылагъуэ лэжьакIуэ Соловьев Владимир.
1984 гъэм къалъхуащ «Адыгэ псалъэ» газетым и корреспондент ТекIужь Заретэ.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 16 - 17, жэщым градуси 9 - 10 щыхъунущ.
Лъэпкъ Iущыгъэ:
Жыжьэу бгъэтIылъыр благъэу къыбощтэж.
