НОБЭ

Мэкъуауэгъуэм и 5,  блыщхьэ

         Дыкъэзыухъуреихь щIыуэпсым и дунейпсо махуэщ

         1928 гъэм къалъхуащ журналист, тхакIуэ, КъБР-м щэнхабзэмкIэ щIыхь зиIэ и лэжьакIуэ, «Адыгэ псалъэ» газетым мэкъумэшымкIэ и къудамэм и унафэщIу илъэс куэдкIэ щыта Бекъан Чыланий.

         1930 гъэм къалъхуащ адыгей усакIуэ Хъунэгу Нуриет.

         1939 гъэм къалъхуащ УФ-м щIыхь зиIэ и мелиоратор Мамхэгъ Алексей.

         1943 гъэм къалъхуащ КъБР-м и цIыхубэ усакIуэ, публицист Бещтокъуэ Хьэбас.

         1949 гъэм къалъхуащ радиожурналист Къудей Лидэ.

         1960 гъэм къалъхуащ мэкъумэш щIэныгъэхэмкIэ доктор Мамбэт Мурадин.

         1967 гъэм къалъхуащ экономикэ щIэныгъэмкIэ доктор, КъБКъМУ-м и профессор ФиIэпщэ Владимир.

Дунейм и щытыкIэнур

         «pogoda.yandex.ru» сайтым зэритымкIэ, Налшык уэшх къыщешхынущ. Хуабэр махуэм градус 22-рэ, жэщым   градус 17 щыхъунущ.

Лъэпкъ Iущыгъэ:

Зи ныбэ изым уи уз ищIэрэ.

Зыгъэхьэзырар ЩхьэщэмыщI Изэщ.