ЗыхуеинумкIэ къызэрагъэпэщ

11 сентября, 2023 - 16:06

Налшык дэт поликлиникэ №1-м иратащ цIыхухэм я узыншагъэр къыщапщытэ, шэрхъым тету кърашэкI комплекс. Ар къызэгъэпэщащ иджырей бжыгъэрылажьэ маммографие, флюрографие IэмэпсымэхэмкIэ.
Комплексыр къагъэсэбэпынущ дохутырхэм цIыхухэм я узыншагъэр къапщытэн мурадкIэ Къэбэрдей-Балъкъэрым и къалэхэмрэ къуажэхэмрэ къыщызэхакIухькIэ. Абы щыщщ «Фи узыншагъэр паркым къыщыфпщытэ» фIэщыгъэм щIэту тхьэмахуэ къэс ирагъэкIуэкI Iуэхури.
Республикэм и кардиодиспансерым щагъэув гумрэ щхьэмрэ зэреплъ компьютер томографиер. Абы хэт программэ щхьэхуэм и фIыгъэкIэ дохутырхэм щыуагъэншэу къахутэнущ цIыхум и лъынтхуэхэм я щытыкIэр, атеросклероз узыфэр зэтезыIыгъэ, Iэпкълъэпкъым иIэ кальций гъэтIылъыгъэр зыхуэдизыр.
ЕтIанэгъэ кардиодиспансерым щагъэувынущ икIэщIыпIэкIэ зыдэIэпыкъун хуей сымаджэхэм ехьэлIа рентгенэндоваскулярнэ IуэхухэмкIэ къагъэсэбэп ангиограф, УЗИ Iэмэпсымэхэр. А зыхуей -зыхуэфIхэмкIэ поликлиникэр къызэрыгъэпэща нэужь, реанимацэмрэ сымаджэ хьэлъэхэм я узыншагъэр щызэфIагъэувэж къудамэхэмрэ зэпэIэщIэ ящIынущ.
 

Шэрэдж Дисэ.
  • 28 просмотров
Поделиться:

Читать также:

15.05.2024 - 13:39 → БыдапIэ лъэщ
15.05.2024 - 13:00 → Ветераным ехъуэхъуащ
14.05.2024 - 13:36 → КъэхъундэсхэрХэкум и къыщхьэщыжакIуэщ
14.05.2024 - 11:36 → Адэ-анэхэм я махуэ
14.05.2024 - 09:36 → Сэлэтым и щIыхькIэ