КъБР-м щыIэ УФСБ-м къет

Iуэхур судым нэсащ

Урысей ФСБ-м и Управленэу КъБР-м щыIэм, Урысей МВД-м и Управленэ нэхъыщхьэу Кавказ Ищхъэрэ щIыналъэм щыIэм я лэжьакIуэхэм, къэлъыхъуэныгъэхэр ирагъэкIуэкIыу къызэпаудащ Iэщэрэ абы иралъхьэ шэхэмрэ республикэм щигъэкIыным пыщIауэ Налшык щыщ цIыхуитIым зэрахьэ хабзэншагъэр. 
КъБР-м щыIэ УФСБ-м и Следственнэ къудамэм уголовнэ Iуэху къиIэтащ УФ-м и УК-м и 222-нэ статьям и 5-нэ Iыхьэм и «а» пунктым къыщыхьа щIэпхъаджагъэм ипкъ иткIэ. Зэрагъэкъуаншэр къыщыгъэлъэгъуа уголовнэ Iуэхур судым Iэрагъэхьащ. 
Хабзэм къызэригъэувымкIэ, апхуэдэ щIэпхъаджагъэр зылэжьар илъэс 12-м нэскIэ ягъэтIысынкIэ хъунущ.. 

Илъэси 10 тралъхьэнкIэ мэхъу

Урысей ФСБ-м и Управленэу КъБР-м щыIэм, КъБР-м щыIэ МВД-м я лэжьакIуэхэм экономикэм пыщIа щIэпхъаджагъэхэм пэщIэт Iуэхухэр ирагъэкIуэкIыу къызэпаудащ республикэм и ухуакIуэ IуэхущIапIэхэм язым и унафэщIу щытам кредит къеIыхыным пыщIауэ илэжьа хабзэншагъэр.
Абы щIыхуэ зыт кредит IуэхущIапIэм Iэригъэхьащ нэхъапэм ищауэ щыта и мылъкур езым ейуэ къыщигъэлъагъуэ хъыбар нэпцI. 
Шэч зыхуащIым теухуа уголовнэ Iуэху къаIэтащ УФ-м и УК-м и 159.1-нэ статьям и 4-нэ Iыхьэм къыщыхьа щIэпхъаджагъэм ипкъ иткIэ. Апхуэдэ щIэпхъаджагъэ зезыхьар илъэси 10-кIэ ягъэтIысынкIэ мэхъу.

Жыгхэр ириупщIыкIырт 

Урысей ФСБ-м и Управленэу КъБР-м щыIэм, КъБР-м щыIэ МВД-м я лэжьакIуэхэм лъэпкъ щIыуэпс гъэтIылъыгъэхэр зэхэдыгъуэным пэщIэт Iуэхухэр ирагъэкIуэкIыу къызэпаудащ Шэрэдж районым щыпсэум илэжь щIэпхъаджагъэр.
Къэдгъэлъэгъуа цIыхум абыкIэ хуит зыщI тхылъхэр имыIэу Лэскэн мэзым жыгхэр щриупщIыкIырт. 
ЗэкIэ къызэралъытамкIэ, абы хэщIыныгъэ кърикIуащ сом мелуани 2,7-рэ къишащ. 
Шэч зыхуащIым ехьэлIа уголовнэ Iуэху къаIэтащ УФ-м и УК-м 260-нэ статьям и 3-нэ Iыхьэм ипкъ иткIэ. Хабзэм къызэригъэувымкIэ ар илъэси 7-кIэ исыну лъэхъуэщым къыщыхутэнкIэ мэхъу.