Махуэгъэпс

♦СурэтыщIым и дунейпсо махуэщ. Ар гъэлъэпIэныр 2007 гъэм къыхилъхьауэ щытащ «Дунейм щыпсэу лъэпкъхэм я гъуазджэ» дунейпсо зэгухьэныгъэм.

♦Урысей казначействэр къыщызэрагъэпэща махуэщ. 1992 гъэм УФ-м и Президент Ельцин Борис Iэ щIидзащ «Федеральнэ казначействэм теухуауэ» законым.

♦Узбекистан Республикэм и лъэпкъ гуфIэгъуэщ - я Конституцэм и махуэщ

♦Къыргъызым и радиомрэ телевиденэмрэ я лэжьакIуэхэм я махуэщ

♦Болгарием щагъэлъапIэ студентхэм я махуэр

♦ЦIыхухэр къызэрырашэкI авиацэм и дунейпсо махуэщ. 1944 гъэм дыгъэгъазэм и 7-м Чикагэ (США) Iэ щытрадзащ цIыхухэр къызэрырашэкI кхъухьлъатэхэм я лэжьэкIэр зыубзыху конвенцэм.
♦Урысейм и Дзэ-Хьэрш Къарухэм я инженер-авиацэ къулыкъум и лэжьакIуэхэм я махуэщ
♦Къэрал Эрмитажыр къыщызэрагъэпэща махуэщ. 1764 гъэм Урысейм и пащтыхь гуащэ Екатеринэ ЕтIуанэм Бельгием, Голландием щыщ сурэтыщI зыбжанэм я IэдакъэщIэкIхэр къищэхуащ. Аращ дуней псом щыцIэрыIуэ, УФ-м и лъэпкъхэм я щэнхабзэ хъугъуэфIыгъуэ нэхъыщхьэхэм хабжэ музейм лъабжьэ хуэхъуар.

 Нобэ

♦Ныкъуэдыкъуэхэм я дунейпсо махуэщ. ООН-м и Ассамблее Нэхъыщхьэм 1992 гъэм къищта унафэм ипкъ иткIэ ягъэуващ.

♦Компьютер графикэм и дунейпсо махуэщ

♦Пестицидхэр къагъэсэбэпу мыдэным и дунейпсо махуэщ

♦Урысей Федерацэм щагъэлъапIэ Юристым и махуэр

♦Зи Хэкур зыхъумэжурэ хэкIуэда Сэлэт МыцIыхум и махуэщ

♦1586 гъэм Америкэм кърашри Европэм кIэртIофыр япэу къашащ.

Нобэ

♦ПщылIыгъэр гъэкIуэдыным хущIэкъуным и дунейпсо махуэщ. Ди зэманми а махуэм мыхьэнэшхуэ иIэщ: ООН-м къит бжыгъэхэм ятепщIыхьмэ, дуней псом иджыри цIыху мелуан 21-рэ хуэдиз пщылIыпIэм щитщ. Абыхэм яхэтщ цIыхубзи сабии.

♦Урысейм щагъэлъапIэ Банк лэжьакIуэм и махуэр. 1990 гъэм дыгъэгъазэм и 2-м «Урысей Федерацэм и Банк нэхъыщхьэм теухуауэ» федеральнэ законыр къызэращтам тращIыхьу ягъэлъапIэ.

Нобэ

СПИД узыфэм ебэныным и дунейпсо махуэщ

Хоккейм и урысейпсо махуэщ

Исландием и щхьэхуитыныгъэм и махуэщ. I9I8 гъэм къызэрагъэпэщащ Дание пащтыхьыгъуэм хэт Исландие къэралыгъуэр.

Португалием и щхьэхуитыныгъэм и махуэщ

1255 гъэм нэмыцэхэм Кёнигсберг быдапIэм (иджы къалэщ) и лъабжьэр ягъэтIылъащ

Нобэ

Компьютерхэмрэ абыхэм илъ хъыбархэмрэ хъумэным и дунейпсо махуэщ

Унагъуэ псэущхьэхэм я дунейпсо махуэщ

Химие Iэщэ къызэрагъэсэбэпам и зэранкIэ хэкIуэдахэр ягу къыщагъэкIыж махуэщ

1609 гъэм Галилей Галилео Мазэм и щхьэфэм и япэ картэр зэхигъэуващ.

1571 гъэм Къэбэрдей пщы уэлий Идар Темрыкъуэ (Марие и адэр) дунейм ехыжащ.

♦Палестинэ лъэпкъыр дэIыгъыным и дунейпсо махуэщ. 1947 гъэм щэкIуэгъуэм и 29-м ООН-м и Ассамблее Нэхъыщхьэм резолюцэ къищтащ Палестинэр Инджылызым и унафэм къыщIэгъэкIыным теухуауэ. Апхуэдэуи абы щыубзыхуат Палестинэм къэралыгъуитI – журтхэм ейрэ хьэрыпхэм ейрэ – къыщызэгъэпэщыныр.

ЩэкIуэгъуэм и 28-р Анэм и махуэщ

Нобэ

Информацэм и дунейпсо махуэщ

ВакъащIэм и дунейпсо махуэщ

Абхъазым и Конституцэм и махуэщ

1394 гъэм Сеул Кореем и къалащхьэ хъуащ.

1832 гъэм къызэрагъэпэщащ Урысейм IэщэкIэ ЗэщIэузэда и Къарухэм я Штаб нэхъыщхьэм и Дзэ академиер.

1925 гъэм ягъэунэхуащ Туполевым и «АНТ-4» кхъухьлъатэр.

1943 гъэм Воркута къалэ хъуащ.