ЦIыхум зезыгъэузэщI

Иджыблагъэ Къэбэрдей-Балъкъэрым Iуэху дахэ щрагъэжьащ, «Шахматы для СВОих» фIэщыгъэр иIэу. Ар зи жэрдэмыр «Урысейм и пашэхэр» зэпеуэм хэтахэм къызэрагъэпэща «Шахматы» клубырщ.
Ар ягъэзэщIэнущ «Урысей зэкъуэт» политикэ партым жылагъуэ дэIэпыкъуныгъэмкIэ и штабхэм къыщызэIуаха «Карякин Сергей и шахмат клубхэр» Iуэхум хыхьэу.
КъызэгъэпэщакIуэхэм я мурадщ шахмат зэпеуэхэм дзэ Iуэху хэхам и ветеранхэр къыхашэну. Сыт хуэдэ зауэри, зэрыгурыIуэгъуэщи, цIыхум и Iэпкълъэпкъым и мызакъуэу, и псэми зэран хуохъу. Къэхутэныгъэ щхьэхуэхэм къызэрагъэлъагъуэмкIэ, шахматхэр сэбэп мэхъу цIыхум зиузэщIыжыным. 
Къыхалъхьа Iуэхум ипкъ иткIэ, Урысей зэкъуэт» политикэ партым жылагъуэ дэIэпыкъуныгъэмкIэ и штабхэм къыщызэIуаха «Карякин Сергей и шахмат клубхэри» яхэту, щIыпIэхэм  щрагъэкIуэкIынущ шахматхэм щыхуагъасэ, щыхагъэгъуазэ зэхыхьэхэр, СВО-м хэтхэм папщIэ шахмат зэпеуэхэр. АдэкIэ я мурадхэм ящыщщ дзэ Iуэху хэхам хэтхэм я шахмат зэгухьэныгъэ къызэрагъэпэщынуи. 

«Шахматы для СВОих» Iуэхум хыхьэу, Къэбэрдей-Балъкъэрым къыщызэрагъэпэщыну лэжьыгъэхэм ящыщщ сабийхэм папщIэ шахмат зэпеуэ, «СВОи люди» зэхуэсыр ирагъэкIуэкIыныр, нэгъуэщIхэри.