УФСБ-м къет

Я мурадыр къайхъулIакъым

ЩIыпIэм щыпсэу цIыхуитIым Урысей МВД-м Аруан районым щиIэ къудамэм Iэпхъуэшапхъуэ IуэхухэмкIэ и IэнатIэм и лэжьакIуэр IулъхьэкIэ къыдахьэхыну зэрыхэтар Урысей ФСБ-м и управленэу КъБР-м щыIэм и лэжьакIуэхэм, къэлъыхъуэныгъэхэр ирагъэкIуэкIыу къызэ­паудащ. Ахъшэр иратынут Украинэм щыпсэу цIыхуитIым хабзэншагъэкIэ Урысей Федерацэм и гражданствэ хуа­щIын папщIэ. 

Урысейм и Следственнэ комитетым СледствиемкIэ и управленэу КъБР-м щыIэм уголовнэ Iуэху къиIэтащ УФ-м и  УК-м и 291.1 статьям и 3-нэ Iыхьэм и «б» пунктымрэ 291-нэ статьям и 4-нэ Iыхьэм и «б» пунктымрэ япкъ иткIэ. Апхуэдэ щIэп­хъаджагъэхэр зылэжьар илъэс 12-м нэскIэ ягъэтIыс. 

НаркотикхэкIхэр игъэкIыным пыщIат 

Урысей ФСБ-м и управленэу КъБР-м щыIэм, КъБР-м щыIэ МВД-м я лэ­жьа­кIуэхэм, наркотикхэкIхэр игъэкIыным пэ­щIэт Iуэхухэр ирагъэкIуэкIыу къызэпаудащ хамэ къэрал цIыхуитIым нар­котикхэкIхэр ди республикэм къишэным пыщIауэ ялэжь щIэпхъаджагъэр. 

ХабзэншагъэкIэ ирагъэкIыну зыхэта «мефедрон» наркотикхэкI грамми 178-рэ къытрахащ. 
КъБР-м и Шэджэм район судым и унафэ къару зыгъуэтам ипкъ иткIэ ахэр ­къуаншэу къалъытащ УФ-м и УК-м и 30-нэ статьям и 3-нэ Iыхьэм, 228.1-нэ статьям и 4-нэ Iыхьэм япкъ иткIэ. Абыхэм тралъхьащ илъэс 11-рэ илъэси 9-рэ икIи тезы­рыр ткIийуэ щрахьэкI колонием щагъэ­кIуэнущ.