Лыуэ къалэжьым хагъахъуэ

Кавказ Ищхъэрэм СтатистикэмкIэ и управленэм иджыблагъэ къызэритамкIэ, 2024 гъэм и щIышылэ - бадзэуэгъуэ мазэхэм Къэбэрдей-Балъкъэрым и мэкъумэш, фермер, уней IуэхущIапIэхэм, я щхьэ хуэлэжьэжхэм псоми зэхэту мэкъумэш продукцэу кърахьэлIащ сом мелард 24,4-рэ я уасэ, е къапщытэж лъэхъэнэм къриубыдэу 2023 гъэм щыIа бжыгъэхэм елъытауэ проценти 104,1-рэ.

Мы илъэсым и мазиблым мэкъумэшым елэжь IуэхущIапIэхэм псоми зэхэту былымылрэ джэдкъазылу къалъэщащ (псэууэ шэчауэ) тонн мин 65,4-рэ, ар проценти 5,3-кIэ нэхъыбэщ нэгъабэ и иджы хуэдэ зэманым яхузэфIэкIам нэхърэ. А лъэхъэнэм къриубыдэу шэуэ къашащ тонн мин 303,2-рэ (проценти 3,2-кIэ нэхъыбэщ), джэдыкIэу кърахащ мелуани 125,7-рэ (проценти 3,4-кIэ нэхъыбэщ).

2024 гъэм и япэ илъэс ныкъуэм мэкъумэшыщIэхэм псоми зэхэту Iэщышхуэрэ джэдкъазу яIащ мин 272,8-рэ, нэгъабэ ар мин 272,9-рэ хъууэ щытащ. Абы щыщу Iэщышхуэ щхьэ бжыгъэр мини 140,2-рэ (нэгъабэ мини 137,3-рэ), кхъуэуэ - мини 4,1-рэ (нэгъабэ мини 3,6-рэ), мэлрэ бжэну - мин 431,0-рэ (нэгъабэ 410,0-рэ), джэдкъазу - мелуани 5 (нэгъабэ мелуани 4,5-рэ).

Республикэм псори зэхэту Iэщышхуэу щагъэхъум и процент 71,4-р унагъуэхэм яIыгъщ. Абы щыщу процент 67,2-р жэму, процент 97,5-р кхъуэуэ, процент 35,0-р мэлрэ бжэну, процент 35-р джэдкъазу. Iэщышхуэм и процент 17,1-р фермерхэмрэ уней IуэхущIапIэхэмрэ яIыгъщ: процент 20-р жэму, проценти 2,5-р кхъуэуэ, процент 28,6-р мэлрэ бжэну, процент 15,2-р джэдкъазу.