Уумейр IэфIщ

1 октября, 2024 - 12:52

Тэрч районым и хабзэхъумэхэм къагъуэтащ «Камаз» машинэ хьэлъэм монитор изыдыгъукIа бзаджащIэр. Абы и гугъат къигъэкIуэса хьэпшыпыр телевизорым ипIэкIэ къигъэсэбэпыну.
2024 гъэм фокIадэм и 27-м Тэрч ОВДМ-м къэпсэлъащ машинэ къехуэкIыкIэ щрагъасэ IуэхущIапIэм и унафэщIыр. Абы зэрыжиIамкIэ, фокIадэм и 26-м еджапIэ пщIантIэм дэта «Камазым» ирадыгъукIат ПДД-мкIэ экзамен зэрат компьютерым и мониторыр. Ар и уасэщ сом 6500-рэ. 
Хабзэхъумэхэм ирагъэкIуэкIа къэпщытэныгъэхэм къагъэлъэгъуащ кIэзонэ мониторыр илъэс 55 хъу цIыхухъум идыгъуауэ. БзаджащIэм зиумысащ. ЗэрыжиIамкIэ, блэкIрэ пэт абы гу лъитащ машинэбжэр зэрыIухам, икIи «Камазым» илъ мониторыр къищтащ телевизорым ипIэкIэ къигъэсэбэпын мурад иIэу. Тэрч ОМВД-м абы къыхузэIуихащ уголовнэ Iуэху.
 

Фырэ Анфисэ.
  • 34 просмотра
Поделиться:

Читать также:

25.03.2025 - 14:39 → Хьэхэр полицэм
25.03.2025 - 13:49 → Псалъэмакъ щхьэпэ
25.03.2025 - 10:01 → Нинэ ягъэгушхуащ
25.03.2025 - 10:01 → БлэкIа гъащIэм нэгъуэщIынэкIэ дыхегъэплъэж
25.03.2025 - 09:00 → Я зэфIэкI еплъыжынущ