Хабзэхъумэхэм ятегуплIащ

28 января, 2025 - 08:18
Урысей Федерацэм и Следственнэ Комитетым и Следственнэ управленэу КъБР-м щыIэм Шэджэм районым щиIэ къудамэм уголовнэ Iуэху къиIэтащ щIыпIэм щыпсэум теухуауэ.  Абы шэч хуащI УФ-м и УК-м и 318-нэ статьям и 2-нэ Iыхьэм   къыщыхьа щIэпхъаджагъэр илэжьауэ. 
 Следствием къызэритымкIэ,  2025 гъэм щIышылэм и 17-м Урысей МВД-м Шэджэм районым щиIэ къудамэм и Гъуэгу плъыр къулыкъум и взвод хэхам и экипажым Щхьэлыкъуэ къуажэм и уэрамхэм язым къыщигъэувыIащ гъуэгу хабзэм ебэкъуа шоферыр зи рулым дэс машинэр.  И тхылъхэр полицэм и лэжьакIуэхэм къаригъэлъагъуну щыхуагъэувым, ар къарукIэ къапэуващ инспекторитIым.
Следственнэ управленэм и унафэщIым и дэIэпыкъуэгъу нэхъыжь, полицэм и полковник Багъ Мурат щыгъуазэ дызэрищIащи, шэч зыхуащIыр яубыдащ. Iуэхур зэхэгъэкIыным ехьэлIа лэжьыгъэхэр ирагъэкIуэкI.  
ДЫГУЛЫБГЪУ Жантинэ.
  • 53 просмотра
Поделиться:

Читать также:

13.09.2026 - 12:27 → Псыгуэнсудэсхэм зэдагъэдэха пшыхь
13.09.2026 - 11:18 → ГъащIэр лъапIэщ
13.09.2026 - 09:58 → Уи бзэр уи псэу, уи дунейуэ
11.09.2026 - 18:17 → ЩIы Iыхьэхэр ират
11.09.2026 - 16:15 → Унагъуэхэм зыщIагъакъуэ