Монголиер къахохьэ

18 февраля, 2025 - 11:00

2025 гъэм гъатхэ губгъуэ лэжьыгъэхэр ирагъэжьэным ипэ къихуэу республикэм и мэкъумэшыщIэхэм нартыху жылапхъэу тонн зы миным нэблагъэ къэралым и адрей щIыналъэхэмрэ хамэ хэкухэмрэ хурагъэшащ. Россельхознадзорым и щIыналъэ къудамэу Кавказ Ищхъэрэм щыIэ управленэм и IэщIагъэлIхэм апхуэдэ хъыбархэр иджыблагъэ къатащ, жылапхъэхэм я фIагъыр зыхуэдэр къапщыта иужь.

Къэбэрдей-Балъкъэрым тонн 850-рэ къэралым и адрей щIыналъэхэм яхуригъэшащ. Нэгъабэ нэхърэ процент 15-кIэ нэхъыбэщ ар. Тонни 150-м щIигъур хамэ къэралхэм ярищащ. Ди продукцэр зыщэхухэм Монголиер мы гъэм япэу къыхыхьащ. Абыхэм хурагъэшащ пасэу хъу нартыху лъэпкъыфIхэм я жылэхэр.

Жылапхъэхэр ди щIыналъэм ирашын ипэ къихуэу Россельхознадзорым и IэщIагъэлIхэм къапщытащ УФ-ми, хамэ къэралхэми щыIэ фито-санитар мардэхэм ахэр къызэритIасэр икIи абыхэм щыхьэт техъуэ тхылъхэри иратащ.

ХЬЭЩЫКЪУЕЙ Олег.
  • 18 просмотров
Поделиться: