КъБР-м и Iэтащхьэ КIуэкIуэ Казбек ЕгъэджакIуэхэм я махуэм хуэгъэза и хъуэхъу

Къэбэрдей-Балъкъэрым и егъэджэныгъэ IэнатIэм и лэжьакIуэхэу, и ветеранхэу пщIэ зыхуэсщIхэ! 
Фи IэщIагъэм хухаха ЕгъэджакIуэм и махуэмкIэ гурэ псэкIэ сынывохъуэхъу! 
ГъэсакIуэм и пщIэм мыхьэнэ щхьэхуэ щиIэщ ди цIыхубэм я деж. Фэ къыхэфхащ къалэн лъапIэкIэ гъэнщIа IэщIагъэ къызэрымыкIуэ. Фэращ, егъэджа­кIуэхэмрэ гъэсакIуэмрэщ, еджакIуэхэм щIэныгъэ езытыр, дэтхэнэ зыми къы­зыхуигъэщIа IэщIагъэр къезыгъэгъуэтыжыр, жэуаплыныгъэ зыхэлъ, зи Хэкур фIыуэ зылъагъу цIыху ди къэралышхуэм хуэзыгъасэр. 
Къэбэрдей-Балъкъэрым зи IэщIагъэм хуэIэижь егъэджакIуэ зэчиифIэ куэд щолажьэ, еджакIуэхэр гурэ псэкIэ фIыуэ ялъагъуу, абыхэм цIыху нэгъэса, ­хэкупсэ нэс къахэкIын папщIэ ялъэкI къамыгъанэу. ФIыщIэ фхузощI уасэ ­зимыIэ фи IэщIагъэ лъапIэм фызэрыхуэпэжым, абы гу къабзагъэу хэфлъ­хьэм папщIэ. 
Егъэджэныгъэ IэнатIэм зыщIэгъэкъуэныр дяпэкIи япэ идгъэщ Iуэхуу щы­тынущ ди дежкIэ. Жыджэру абы лъэныкъуэ псомкIи зедгъэужьынщ, ди сабийхэм щIэныгъэ куу ягъуэтын папщIэ, Iэмал псори яIэн хуэдэу. Шэч хэмы­лъуи, IэщIагъэм и пщIэм, егъэджакIуэм хуащI гулъытэм зэрыхэдгъэхъуэнми иужь дитынущ. 
Узыншагъэ быдэ, ехъулIэныгъэ, ефIэкIуэныгъэ фиIэну гурэ псэкIэ сыны­вохъуэхъу. 
Угъурлы фхухъу ЕгъэджакIуэм и махуэр!