Нэгъабэрейм нэхърэ нэхъыбэу

 2025 гъэм и щIышылэм – бадзэуэгъуэм къриубыдэу Къэбэрдей-Балъкъэрым къыщыщIагъэкIащ Iусыпхъэу тонн мин 75,2-рэ.  Нэгъабэ и апхуэдэ пIалъэм яхузэфIэкIам нэхърэ хуэдэ 1,5-кIэ нэхъыбэщ ар, къитащ иджыблагъэ Кавказ Ищхъэрэм СтатистикэмкIэ и управленэм.

Iэщымрэ джэдкъазымрэ я Iусыпхъэхэр абыхэм халъхьэ пкъыгъуэхэр республикэм къыщыщIагъэкI хьэрычэт IэнатIэ мащIэм хыхьэ мэкъумэш, уней IуэхущIапIэ 11-м икIи, езыхэм къызэрагъэсэбэпым къыдэкIуэу, нэгъуэщIхэми иращэ. ЖыпIэнурамэ, ди республикэм къыщыщIагъэкIа Iусыпхъэхэм щIэупщIэ щаIэщ УФ-м и нэгъуэщI щIыналъэхэми, хамэ къэралхэми.

                                                                            ХЬЭЩОКЪУЭ Алыдж.