Ахъшэр къратыж

7 октября, 2025 - 13:00

2025 гъэм зэрыщIидзэрэ Къэбэрдей-Балъкъэрым и цIыху 68 520-м щIигъум псэупIэ-коммунальнэ хозяйствэхэм я Iуэхутхьэбзэхэм щхьэкIэ ята ахъшэм щыщу сом мелуан 657-рэ компенсацэу иратыжащ. Абы хиубыдащ Хэку зауэшхуэм, лэжьыгъэм я ветеранхэр, унагъуэшхуэхэр, ныкъуэдыкъуэхэр, сабий зеиншэ зэзышэлIэжауэ зыпIхэр.

 Компенсацэм и куэдагъыр цIыху къэс тещIыхьауэ щхьэхуэу къабж икIи ар елъытащ псэупIэм и инагъыр зыхуэдэм (метр зэбгъузэнатIэу зэрыхъум), абы щыпсэууэ щатха цIыху бжыгъэм, ЖКХ-м и Iуэхутхьэбзэхэм я мардэм, абыхэм щхьэкIэ ягъэува тарифхэм.

Къыхэгъэщыпхъэщ: дэIэпыкъуныгъэ зратыр псэупIэ-коммунальнэ IуэхутхьэбзэхэмкIэ щIыхуэ зытемылъхэрщ. Ахъшэр къратыжын щхьэкIэ дэфтэрхэр зэ зэхуахьэсу аращ икIи льготэ зиIэ гупхэм цIыхур хиубыдэху, абыхэм къару яIэнущ.

Компенсацэм щхьэкIэ лъэIур МФЦ-м щIалъхьэ е интернеткIэ ягъэхь хъунущ.

ХЬЭЩОКЪУЭ Алыдж.

                                                                                             

 

  • 23 просмотра
Поделиться: