Хуэдищым щIигъукIэ нэхъыбэу

Къэбэрдей-Балъкъэрым и хуабэщхэм къыщагъэкI хадэхэкIхэм я куэдагъым хуэди 3,7-кIэ хэхъуащ, 2019 гъэм елъытауэ. ЖыпIэнурамэ, абы щыгъуэ яхузэфIэкIар тонн мини 10,5-м щIимыгъуамэ, нэгъабэ псори зэхэту тонн мин 39-рэ къыщIачыжащ.
Апхуэдэ ехъулIэныгъэ республикэм иIэ хъуащ 2023 гъэм Шэджэм щIыналъэм «Шэджэм-Агро» хуабэщым и япэ Iыхьэм лэжьэн щригъэжьа нэужь. Абы ирагъэубыдащ гектар 37,6-рэ. 
«Шэджэм-Агро»-р КъБР-м и пэхуэщIэ ехьэжьахэм хохьэ икIи и экономикэ зэфIэкIхэри наIуэу къигъэлъэгъуащ. Псалъэм къыдэкIуэу, зы илъэсым къриубыдэу бэдрэжану тонн мин I3-м щIигъу абы и хуабэщхэм къыщыщIачыж. ХадэхэкIхэм елэжьхэм гугъэ ящI нэгъабэ яхузэфIэкIам нэхърэ мынэхъ мащIэ мы гъэми зэщIакъуэжыну.