ФIыщIэшхуэ къэзылэжь

Зэхэтхауэ куэд дыщыгъуазэщ ­Бахъсэнёнкэ къуажэм щыщ Ба­-тырхэ я унагъуэм къатепсыха гузэ­вэгъуэм, мафIэсым хэщIыныгъэ­шхуэ къазэрыритам. Абыхэм зы­щIагъэкъуэн мурадкIэ, жылэм ­къы­щызэрагъэпэщри, псапащIэ кон­церт дахэ ирагъэкIуэкIащ, абы къыхэкIа мылъкур Батырхэ иратащ. 

Къызэзыгъэпэщахэми, абы зи къару хэзылъхьахэми, уэрэд щыжы­зыIахэми, къыщыфахэми псапэ щIауэ Тхьэм къаритыж. Гуапагъэр зэи ­мащIэ хъуркъым, адыгэ псалъэжьым зэрыжиIэщи, мастэ гуапэщи, мастэ гуауэщ. Iуэху мыщIагъуэкIэ зэхуэ­сами, хэтахэми я щхьэр лъагэу ялъа­гъужын хуэдэу лIыгъэ зэрахьащ, зы­хуащIами яхуэщхьэпащ. ЯIуэтэжыну ди гуапэщ. 
ЦIыхугъэм и щапхъэщ, лъэпкъыр зэкъуэзыгъэувэ Iуэхущ ар, шэч хэ­мылъу. Абы зэригъэинар къы­хэщу, фIыщIэ ящIым и щапхъэу ди ре­дакцэм мы махуэхэм къыIэрыхьащ тхыгъэ, Батырхэ я унагъуэм къыбгъэ­дэкIыу. Абы итщ мыпхуэдэу: «Фи га­зетым и редакцэр къэдгъэсэбэпу дыхуейщ фIыщIэшхуэ яхуэтщIыну ­Бахъсэнёнкэ къуажэ администра­цэм и Iэтащхьэ Абрэдж Хьэутийрэ Щэн­хабзэмкIэ унэм и методист, тха­кIуэ, усакIуэ Зэгъэщтокъуэ Людми­лэрэ. МафIэсым гугъуехьым пэщIигъэува ди унагъуэм зыкъыщIагъэ­къуэну мурад ящIри, абыхэм зэхашащ псапащIэ концерт дахэ. Къуа­жэдэсхэм я нэгу зэрызиужьам къыдэкIуэу, ди щхьэкIэ ди гуапэ ды­дэ хъуащ ди гузэвэгъуэр къыддаIыгъыну ягу къызэрыкIар, яхузэфIэкIымкIи къызэрыткъуэувар. Людмилэ, уи лэ­жьыгъэ купщIафIэм папщIэ щхьэхуэу фIыщIэ ин пхудощI. Ди къуа­жэмрэ ди районымрэ къыщымынэу, республикэ псор иропагэ уи зэфIэ­кIым, псом хуэмыдэу сабийм я гъэ­сэныгъэм папщIэ блэжьым. Узыншагъэ ущымыщIэу, фIыгъуэр уи бэу, фIыуэ укъэзылъагъухэр къыпкъуэту иджыри илъэс куэдкIэ улэжьэну ди ­гуапэщ».