Хьэлъэ нэхъыбэ ягъэIэпхъуэ

Дызэрыт илъэсым и мазипщIым къриубыдэу Къэбэрдей-Балъкъэрым и гъущI гъуэгухэмкIэ хьэлъэ зэхуэмыдэу тонн мин 500-м нэблагъэ ягъэIэпхъуащ. Нэгъабэ и апхуэдэ пIалъэм щыIа бжыгъэхэм нэхърэ проценти 10,8-кIэ нэхъыбэщ ар.

Мы гъэм жэпуэгъуэм къриубыдэу яхузэфIэкIащ гъущI гъуэгухэмкIэ хьэлъэ зэхуэмыдэу тонн мин 54,4-рэ нэгъуэщI щIыналъэхэм ирагъэшэн. МазипщIым хьэлъэу ягъэIэпхъуам и нэхъыбэр ухуэныгъэ материалхэрщ – тонн мин 442,3-рэ. Нэгъабэ и щIышылэм – жэпуэгъуэм щыIа бжыгъэхэм нэхърэ процент 19,5-кIэ нэхъыбэщ ар.

Абыхэм иужь къакIуэр ерыскъыхэкIхэрщ - тонн мин 42-рэ. Адрейхэр жылапхъэхэмрэ (тонн мин 11-м нэблагъэ) гъущIыкIэжьхэмрэщ (тонн мини 3,2-рэ).