115-нэ шуудзэм теухуауэ иджыри зэ

Тхыдэр къы­зыхэщыж фильм­хэмкIэ Хэку зауэшхуэм и гъуэгуа­нэм дроплъэж. Апхуэдэщ 115-нэ Къэбэрдей-Балъкъэр шуу­дзэм ­теухуауэ Ко­ло­мий­цев Владислав­рэ Пщыгъуэш Тимуррэ траха дэф­тэрхэр зи лъабжьэ фильмыр. 

«ЦIыхубэ фронтым» и Къэбэрдей-Балъкъэр щIыналъэ къудамэмрэ щэнхабзэ IуэхухэмкIэ «Мирт» зэгухьэныгъэмрэ я лъэIу­кIэ траха «115-я кавалерийская» лэ­жьыгъэр республикэм щэнхабзэмкIэ и IуэхущIапIэхэм, школхэм щагъэ­лъэ­гъуащ, зи гупсысэр зэрыубыду щIи­дза ныбжьыщIэхэр тхыдэ напэ­кIуэцI­хэм ириплъэжынымкIэ щхьэ­пэу къалъытати. 
- Фильмыр тетхащ ныбжьыщIэхэм нэхъ яхуэгъэзауэ - 115-нэ шуудзэм и тхыдэм зыщагъэгъуэзэнымкIэ щIэ­дзапIэ яхуэхъун, зауэлIхэм я фэ­еплъыр хъумэным къыхуигъэушын хуэдэу. Гу зэрылъыттэмкIэ, ди щIалэгъуалэм тхыдэм теухуа тхыгъэ кIыхьхэм еджэ нэхърэ, видео кIэщI­хэм еплъмэ нэхъ къащтэ. Мис мы фильмри абы тещIыхьащ. Си гугъэщ шуудзэм теухуауэ мыбы щы­жытIэхэм щIалэгъуалэр дихьэхыну, икIи нэхъ куууэ абы зыщагъэгъуэзэну Iэмал къаритыну. Къапщтэмэ, 115-нэ шуудзэм и щхьэм кърикIуам теухуауэ интернетым щыбгъуэтынур мащIэщ. Пэжщ, ди фильмым хэтщ нэхъ зебгъэубгъунуи къыще­зэгъа теплъэгъуэхэр. Ауэ дэ дыху­щIэкъуащ зэманымрэ абы къидгъэзэгъэн хуей Iуэхугъуэхэмрэ зэ­хуэдгъэкIуэну. Фильмыр щIэблэр хэку­псэу къы­дэгъэкIуэтеиным теу­хуауэ тетхащ. Дыщогугъ ар ­гъуазэ яхуэ­хъуу, иджыри нэхъыбэ зыщагъэ­гъуэзэну гукъэкI ящIыну, - къыд­жи­Iащ Пщыгъуэш Тимур.