Полицэм фигу къегъэкIыж:

 Банкым и лэжькакIуэхэр цIыхухэм епсалъэркъым я ахъшэр «счет хъума» жыхуиIэм ар ирагъэхьыным теухуауэ.
Къывэпсалъэм къывжиIэм щыщу зыри фымыщIэ. «Шынагъуэншэ счет» жаIэу зэрызэхэфхыу телефоныр вгъэтIылъ.
Интернет IэмалкIэ ущэхуэным шынагъуэ зэрыпылъри зыщывмыгъэгъупщэ. Уасэм щыщ Iыхьэ ипэкIэ футIыпщмэ, ар къыфхуагъэхьэжыныкIэ е хьэпшыпыр къыфIэрыхьэнкIэ шэсыпIэ гуэри щыIэкъым.
Сом мини 3
Шэрэдж районым щыпсэу, илъэс 19 хъу щIалэм Интернетым къыщигъуэтащ лъакъуэрыгъажэ сом 33 000-кIэ ящэу. ЩIалэщIэм ар зыщэм зырпищIэри, техникэм и щытыкIэр зэхигъэкIащ.
Ар зыщэм щIалэр тригъэгушхуащ ипэкIэ сом 3 000 хуигъэхьыну, иужбкIэ лъакъуэрыгъажэ зэрищэм теухуа хъыбарыр ирахыжащ, ар зыщэм смс-хэм жэуап къримытыж хъуащ.
Урысейм и МВД-м Шэрэдж районым щиIэ къудамэм абы теухуа уголовнэ Iуэху къиIэтащ Урысей Федерацэм и Уголовнэ кодексым и 159-нэ статьям им I-нэ Iыхьэм (гъэпцIэныгъэ) ипкъ иткIэ.