Къэрэш ХьэмрутIэТекIуэныгъэм хэлIыфIыхьахэм ящыщщ. И ныбжьэгъу куэдым хуэдэу, Хэку зауэшхуэр къызэрыхъейуэ ар дэкIат. Iэщэ къищтэу бийм япэу щыпэщIэувар 507-нэ фочгъауэ полкым хэту Кърымым щыкIуарщ. Зэхэуэ гуащIэ екIуэкIыу ди сэлэтхэр къухьэпIэ лъэныкъуэмкIэ икIуэтырт. Абдеж ХьэмрутI япэу уIэгъэ щыхъуащ. Ягъэхъужу госпиталым къыщIэкIыжа иужькIэ, ар хагъэхьащ 37-нэ фочауэ дивизэм и 75-нэ сапер батальоным. 1943 гъэм Курск щызэуащ. ИужькIэ хэтащ Белоруссиер, Польшэр хуит къэзыщIыжахэм. Зауэр къыщыхъея махуэхэм щегъэжьауэ ар иухыхукIэ псэемыблэжу, япэ итхэм ящыща Инарыкъуей щIалэр Кърымым щегъэжьауэ Берлин нэс кIуэцIрыкIащ. Ар щэнейрэ уIэгъэ ящIащ, ауэ абыхэм къагъэувыIэфакъым, текIуэныгъэм хуэпабгъэ щIалэфIым и гур. Абы зэрихьа лIыгъэм и щыхьэтщ къыхуагъэфэща дамыгъэ лъапIэхэр: Хэку зауэ орденым и япэ нагъыщэр, Вагъуэ Плъыжьыр, ЩIыхьым и орденым и ещанэ нагъыщэр, «Хахуагъэм папщIэ» медалитIыр, «Германием зэрытекIуам папщIэ» медалыр. Зауэ нэужьым Къэрэшым Джылахъстэнейм къигъэзэжри, и гуащIэ хилъхьэу и IэнатIэ зэмылIэужьыгъуэхэм щылэжьащ. 1989 гъэм дунейм ехыжащ.
Поделиться:
Читать также:
27.03.2024 - 14:00 →
Бийм зы гупу пэщIигъэуват
26.03.2024 - 14:55 →
Адыгэхэм я къежьапIэр
20.03.2024 - 11:17 →
Къанжал зауэм и щхьэусыгъуэр
19.03.2024 - 18:10 →
И анэми щысхьатэкъым…
19.03.2024 - 14:28 →
Кушыкурэ Мэтрэ я жэуап
|