Къуажэдэсхэр поплъэ.

30 июня, 2022 - 07:33

«ГъуэгуфI шынагъуэншэхэр» лъэпкъ проектым и фIыгъкIэ Псыхъурей щызэрагъэпэщыж Къатхъэным и цIэр зэрихьэу щыIэ уэрамыр. 
Километри 4 зи кIыхьагъ гъуэгур зэтес ящIащ, адэкIэ иджырей мардэхэм тету асфальт - бетоныр тралъхьэнурэ гъуэгу зэпыхьэпIэхэмрэ зэхэкIыпIэхэмрэ зыхуей хуагъэзэнущ.
 Япэ ирагъэщыпхъэ Iуэхухэр зэфIагъэкIа нэужь, гъуэгу дамыгъэхэр ягъэувынущ. Мы зэманым лъэс зекIуапIэхэр къыхагъэкIауэ автобус къэувыIэпIэхэр яухуэ.
Курыт еджапIэр, сабий садыр, медицинэ, спорт IуэхущIапIэхэр, зыгъэпсэхупIэ щIыпIэхэр зыхуэзэ мы уэрамым къуажэдэсхэмкIэ мыхьэнэшхуэ иIэщ.
Къэбэрдей - Балъкъэрым транспортымрэ гъуэгу хозяйствэмкIэ и министерствэм хъыбар къызэритамкIэ, мы гъуэгум епха лэжьыгъэхэр мы гъэм и кIэхэм зэфIагъэкIыну я мурадщ.

 

Шэрэдж дисэ.
  • 37 просмотров
Поделиться: