УэсятиплIрэ чэнджэщиплIрэ Iэбу ТIалиб и къуэ Алий зэрылIыкIыну уIэгъэр телъу, и къуэ Хьэсэн къыщхьэщыст, гъыуэ.
- Сыт ущIэгъыр? – йоупщI и къуэм Алыхьыр арэзы зыхуэхъун Алий.
- Дауэ сымыгъынрэ, ди адэ? Уи псэр хокI, дунейр уобгынэ, ахърэтым уокIуэж.
Адэ гумащIэр къэпсалъэри жиIащ:
- Уа, си щIалэ! УэсятиплIрэ чэнджэщиплIрэ къыпхузогъанэри, абыхэм утетыфмэ, пщIам и зэран къокIыжынкъым.
- Сыт хуэдэ ахэр, ди адэ? – щIэупщIащ Хьэсэн.
- Псом нэхърэ нэхъ бейр губзыгъэрщ. Делэм нэхърэ нэхъ тхьэмыщкIэ щыIэкъым. Закъуэныгъэм я нэхъ Iейр – къызыфIэщIыжынырщ. ЕхъулIэныгъэм я нэхъыфIыр – хьэл-щэн дахэрщ.
- Ар уэсятиплIырщ, ди адэ, чэнджэщиплIыр-щэ?
- Акъылыншэр умыгъэныбжьэгъу. Сэбэп къыпхуэхъуну хуеипэми, абы и зэран къокIыжынущ. ПцIыупси умыгъэныбжьэгъу: абы жыжьэр – гъунэгъуу, гъунэгъур – жыжьэу къыщохъу. ЦIыху быдэ умыгъэныбжьэгъу, абы умыщIэххэу укъигъэпцIэжынущ. ЦIыху мыхьэнэншэми зыщыдзей: абы щайкIэ уищэжынущ.
Поделиться:
Читать также:
27.04.2024 - 17:14 →
Витебск зыкъыщагъэлъэгъуэнущ
27.04.2024 - 13:04 →
Макъамэм зэфIэкI щызиIэхэр
27.04.2024 - 10:01 →
Макъамэ Iэмэпсымэхэр зыгъэбзэрабзэхэр
26.04.2024 - 15:39 →
ПащIэ Бэчмырзэ и дыщэ пхъуантэр
23.04.2024 - 18:33 →
«Дыщэ джыдэ цIыкIур» зыхуагъэфэщахэри яхэту
|