|
ЗэIущIэхэр
30 апреля, 2022 - 11:41
КIуэкIуэ Казбек лэжьыгъэ IуэхукIэ хуэзащ КъБР-м и Профсоюзхэм я федерацэм и унафэщI Амщокъуэ ФатIимэт. ЗэIущIэм щытепсэлъыхьащ 2021 гъэм IуэхущIапIэм иригъэкIуэкIа лэжьыгъэхэмрэ дызэрыт илъэсым къапэщылъхэмрэ.
30 апреля, 2022 - 11:41
КъБР-м и Парламентым щызэхэт Жылагъуэ советым и унафэщI Бечелов Ильяс мэлыжьыхьым и 28-м зи чэзу зэIущIэр иригъэкIуэкIащ. Абы щытепсэлъыхьащ Къэбэрдей-Балъкъэрым щIыуэпсыр къызэрагъэсэбэпым теухуауэ щыIэ хабзэхэр зыхуэдэмрэ Жылагъуэ советыр 2022 гъэм зэлэжьыну и мурадхэмрэ.
30 апреля, 2022 - 07:35
Мы махуэхэм Дунейпсо Адыгэ Хасэм къригъэблагъэри Къэбэрдей-Балъкъэрым зыщаплъыхьащ КъШР-м щыIэ Али-Бердыкъуэ къуажэм и курыт школым и 8-11-нэ классхэм щеджэ ныбжьыщIэхэм.
ШколакIуэ 49-м егъэджакIуэ, адэ-анэ 12 я гъусэу махуитIкIэ щыIащ Налшык. Япэу ахэр кIуащ КъБР-м и Лъэпкъ музейм. Iуэхугъуэ зэхуэмыдэхэм хухэха пэшхэм хьэщIэхэм къыщащIащ адыгэхэм я псэукIам, тхыдэм, щэнхабзэм ятеухуа хъыбар куэд, апхуэдэуи Къэбэрдей-Балъкъэрым щыщу Хэку зауэшхуэм лIыхъужьыгъэ щызезыхьахэм ятеухуахэм зыщагъэгъуэзащ.
24 апреля, 2022 - 14:55
Дэтхэнэ лъэпкъ щэнхабзэми иIэщ ар псом хуэмыдэу зэрыгушхуэ, и щхьэр лъагэу езыгъэIэт цIыхухэр. Къэбэрдей лъэпкъ щэнхабзэр къудамэбэ жыгым хуэбгъадэмэ, шэч хэмылъу, абы и зы къудамэ гъуэзэджэу къэлъытапхъэщ Теунэ Хьэчим и творческэ лэжьыгъэшхуэр. Ди щэнхабзэм и лъэныкъуэ псоми гумызагъэу кIэлъыплъырт, абы щекIуэкI Iуэхугъуэ псоми фIыуэ щыгъуазэт. Ар ягъэгуфIэрт ди щэнхабзэм игъуэт ехъулIэныгъэхэм, ягъэнэщхъейрт зыщыщIэхэм, зыхунэмысхэм. Ауэ псом ящхьэрати, Теунэр литераторт, а псалъэм къызэщIиубыдэ мыхьэнэ псори зэхьэлIэжа тхакIуэт.
24 апреля, 2022 - 09:00
Лъэпкъ литературэм и дыжьыныгъуэ тхакIуэхэм ящыщу къалъытэ зи IэдакъэщIэкIхэмкIэ ноби къыдэущие, пасэрей хабзэжьхэм дыхуэзыгъэсэж, гъащIэм и IэмалхэмкIэ къыддэгуашэу къытхэт пэлъытэ Теунэ Хьэчим.
23 апреля, 2022 - 15:50
УФ-м и Лъэпкъ гвардием и къудамэу КъБР-м щыIэм щекIуэкIащ оперативнэ штабым и зэIущIэ. Ар теухуауэ щытащ чыристан диныр зезыхьэхэм я IутIыж махуэм, Адыгэ ныпым и махуэм, Гъатхэмрэ Лэжьыгъэмрэ я махуэшхуэм, Хэку зауэшхуэм къыщытхьа ТекIуэныгъэр илъэс 77-рэ зэрырикъум теухуауэ цIыхушхуэ кърихьэлIэу екIуэкIыну дауэдапщэхэм шынагъуэншагъэр къыщызэгъэпэщыным.
23 апреля, 2022 - 15:05
КIуэкIуэ Казбекрэ Урысей Федерацэм и Лъэпкъ гвардием Кавказ Ищхъэрэ округым щиIэ дзэ гупым и унафэщI генерал-лейтенант Захаров Сергейрэ Къэбэрдей-Балъкъэрым щыщу Донбассым щыпсэухэр хъумэным ехьэлIауэ я къулыкъур ягъэзащIэу хэкIуэдахэм хуагъэфэща къэрал дамыгъэхэр иратащ зауэлIхэм я Iыхьлыхэм.
23 апреля, 2022 - 14:55
КъБР-м и Парламентым и УнафэщI Егоровэ Татьянэ зи чэзу зэIущIэр иджыблагъэ иригъэкIуэкIащ. Абы хэтащ КъБР-м и Парламентым къыбгъэдэкIыу УФ-м и сенатор Ульбашев Мухьэрбий, УФ-м и Президентым и полномочнэ лIыкIуэм и аппарату КИФЩI-м щыIэм КъБР-м и IуэхухэмкIэ и федеральнэ инспектор Васильченкэ Дмитрий, КъБР-м и прокурорым и япэ къуэдзэ Сысоенков Андрей.
23 апреля, 2022 - 14:55
Къэрал статистикэмкIэ федеральнэ къулыкъущIапIэм и унафэщI Малков Павел КъБР-м и Iэтащхьэ КIуэкIуэ Казбек лэжьыгъэ IуэхукIэ Москва щыхуэзащ.
23 апреля, 2022 - 14:55
КъБР-м и Правительствэм и УнафэщI Мусуков Алий видеозэпыщIэныгъэ Iэмалхэм тету иригъэкIуэкIащ къэралыр санкцэхэмкIэ гугъуехь щыхагъэт зэманым Къэбэрдей-Балъкъэр Республикэм экономикэ, социальнэ зэпIэзэрытыны-гъэ щызэтегъэувэным теухуа зэIущIэ. Абы хэтащ вице-премьерхэр, министрхэр, щIыналъэ администрацэхэм я Iэтащхьэхэр, банк унафэщIхэр.
Страницы
|