ЗэIущIэхэр

Урысей Федерацэм и Президент Путин Владимир дыгъуасэ, мэкъуауэгъуэм и 17-м, къыщып­сэлъащ Санкт-Петербург къалэм щекIуэкI Дунейпсо экономикэ зэхуэсым (ПМЭФ) и пленарнэ сессием. Мэкъуагъуэм и 15 лъандэрэ лажьэ форумым и утыку кърахьащ дунейпсо экономикэ щытыкIэм, абы и лъэныкъуэкIэ къэралхэм ­ягъуэт зыужьыныгъэмрэ ахэр зрихьэлIэ лъэпощхьэпохэмрэ ятеухуа псалъэмакъ щхьэпэхэр, Iуэху еплъыкIэхэр. Зэхуэсыр иригъэкIуэкIащ журналист цIэрыIуэ Симонян Маргаритэ.

Урысейм и махуэм ирихьэлIэу, КъБР-м и Парламентым ща­гъэ­лъэпIащ республикэм и зыужьыныгъэм хэлъхьэныгъэ хуэ­зыщIхэр.

Къэбэрдей-Балъкъэрым и Ректорхэм я зэгухьэныгъэм и УнафэщI, КIуэкIуэ Валерэ и цIэр зезыхьэ Къэбэрдей-Балъкъэр къэрал мэкъумэш университетым и ректор Апажэ Аслъэн иджыблагъэ хэтащ Урысейм и Ректорхэм я зэгухьэныгъэм и зэIущIэшхуэм. Мэзкуу дэт, Ломоносов Михаил и цIэр зезыхьэ Къэрал университетым и ЩIэныгъэ библиотекэм щызэхэта зэхуэсым лъэпкъ щIэныгъэмрэ егъэджэныгъэмрэ ехьэлIа Iуэхугъуэ куэдым щытепсэлъыхьащ.

КъБР-м и Правительствэм и УнафэщI Мусуков Алий дыгъуасэ зи чэзу зэIущIэр иригъэ­кIуэкIащ. Абы Iуэхугъуи 10-м щIигъум щыхэплъащ.

КъБР-м и Парламентым Экономикэ политикэмкIэ, зыужьы­ныгъэмрэ хьэрычэт IуэхумкIэ и комитетым и зэIущIэм иджы­благъэ щытепсэлъыхьащ республикэм хьэрычэт Iуэху мащIэмрэ курытымрэ зэрызыщаужьым.

Москва къалэм иджыблагъэ лэжьыгъэ IуэхукIэ щызэхуэзащ КъБР-м и Iэтащхьэ КIуэкIуэ Казбекрэ Къэрал мылъкур зехьэ­нымкIэ федеральнэ агентствэм и унафэщI Яковенкэ Вадимрэ. Абыхэм я зэпсэлъэныгъэр теухуауэ щытащ республикэм и дежкIэ мыхьэнэшхуэ зиIэ IэнатIэ зыбжанэм щызэ­дэлэжьэным.
Абыхэм хиубыдэу къыхагъэщхьэхукIащ инвестицэ проектхэр гъэзэщIэным ехьэлIауэ щIы Iыхьэхэр федеральнэ мылъкум къыхагъэкIыу муниципалитетхэм я мылъкум хэгъэ­хьэныр.

 КIуэкIуэ Казбек иджыблагъэ Москва щыхуэзащ «Россети» акционер зэгухьэныгъэ зэIухам и генеральнэ директор Рюмин Андрей. ЗэIущIэм щытепсэлъыхьащ ди республикэм и электросетхэм зегъэужьынымкIэ щыIэ зэ­фIэкI­хэм, абы хуэунэтIауэ лъэныкъуитIми я къарур зэгъэуIуным, апхуэдэу энергетикэм и IэнатIэр туристхэм я гъэмахуэ зыгъэпсэхугъуэр къыщызэIуахыну лъэхъэнэм зэрыхуэхьэзырым.

КъБР-м и Iэтащхьэр лэжьыгъэ IуэхукIэ Моск­ва щыIущIащ ДОМ.РФ-м и уна­фэщI Мутко Виталий.

Видеоконференц жыпхъэм иту КъБР-м и Iэтащхьэ КIуэкIуэ Казбек хэтащ Кавказ Ищхъэрэ федеральнэ щIыналъэм и цIыхухэм я санитар-эпидемиологие щы­тыкIэр егъэфIэкIуэным теухуа зэIущIэм. Ар ирагъэкIуэкIащ УФ-м и Президентым и полномочнэ лIыкIуэу КИФЩI-м щыIэ Чайкэ Юрийрэ «Рос­потребнадзор»-м и унафэщI Поповэ Аннэрэ.

КъБР-м и Iэтащхьэ КIуэкIуэ Каз­бек дыгъуасэ ­хэтащ Урысейм Нэ­гъуэщI къэрал ­Iуэ­ху­хэмкIэ и минис­терствэм Уры­сей Федерацэм и щIыналъэ Iэтащхьэхэм я советым дэ­лажьэм и зэIущIэм. Ар иригъэ­кIуэкIащ УФ-м къэ­рал IуэхухэмкIэ и министр Лавров Сергей.