ГъащIэ узыншэм къыхураджэ

«ЩIэблэ узыншэ-2024» ведомствэхэм зэдай Iуэхум и ­етIуанэ Iыхьэм хыхьэу Урысей МВД-м Лэскэн районым щиIэ къудамэм и лэжьакIуэхэр, «Пэ­рыт­хэм я зэщIэхъееныгъэ» ­район жы­лагъуэ IэнатIэм и уна­фэщI Хьэмгъуокъу Тамарэрэ доху­тыр-нарколог Iэщнокъуэ ФатIимэрэ ягъусэу, Анзорей къуа­­жэм дэт еджапIитIым кIуэ­ри, школакIуэхэм яхуэзащ. 

Iуэхум и къызэгъэпэщакIуэхэр школакIуэхэм яхутепсэлъыхьащ наркотикхэр зэхьэлIэным и зэра­ныгъэм. Ягу къагъэкIыжащ ла­жьэ хабзэм къызэригъэувым­- кIэ, наркотикхэкIхэр игъэкIыным ехьэ­лIа щIэпхъаджагъэхэм папщIэ жэуаплыныгъэ зэрахьыр. 
Полицейхэм ныбжьыщIэхэм иратащ зытепсэлъыхьым теухуа хъыбархэр зытет буклетхэр икIи узыншэу псэуным къыхура-джащ. 
- Фэ балигъыпIэм фынэсащ, гъащIэм гъуэгу пэж къы­щы­хэфхынущ. Фыхуэпабгъэ щIэныгъэ нэхъыбэ зэвгъэгъуэтыным, ехъулIэныгъэхэр зыIэрывгъэ­хьэ­ным фыхущIэкъу, фи къэкIуэнум фегупсыс, - къыхигъэщащ полицэм и лэжьакIуэм.
Iэщнокъуэ ФатIимэ зэпкърыхауэ тепсэлъыхьащ наркотикхэкIхэр зэхьэлIэным зэраныгъэу къри­кIуэ­хэм. 
ЗэIущIэм и кIэухыу полицэм и лэжьакIуэхэм, еджапIэхэм я уна­фэщIхэр ящIыгъуу, къуэдзэщхэр къызэхаплъыхьри, къегъэщIылIа щIыпIэхэри къапщытащ. НаркотикхэкIхэр, акъылыр зыгъэутхъуэ пкъыгъуэхэр къэгъэсэбэпыным ехьэлIауэ зыри къагъуэтакъым.