Пщащэ набдзэгубдзаплъэ

5 марта, 2026 - 09:11

«Школа без опасности» ассоциацэм и СРО-м и президент Саминский Сергей Бэч Рузанэ къыхуигъэфэщащ фIыщIэ тхылърэ ахъшэ саугъэтрэ. Ар къыпэкIуащ и къалэнхэр нэсу, набдзэгубдзаплъэу зэрырихьэкIым.

Бэч Рузанэ Леонид и пхъур Аруан районым хыхьэ Джэрмэншык къуажэм щыщщ. 2008 гъэм Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым ХъыбарегъащIэ технологиехэмкIэ и колледжыр къиухащ. КъыкIэлъыкIуэу БизнесымкIэ институтым «Зи школ куэгъуэ мыхъуахэм ядэлажьэ» IэщIагъэр щызригъэгъуэтащ.

Рузанэ и къуажэ Джэрмэншык дэт сабий садым илъэситхукIэ щылэжьащ. ИужькIэ, щхьэзакъуэ хъумакIуэм хуеджэри, 6-нэ разряд къратащ, КъБР-м щыIэ Урысей гвардием щIигъэбыда удостоверенэ къратащ. АдэкIэ лэжьэн щыщIидзащ Кушмэзокъуэ В. В. зи унафэщI «ООО ЧОП Каббалк-Безопасность» хъумакIуэ IуэхущIапIэм.

2025 гъэм и гъэмахуэ лъандэрэ Рузанэ щыIэщ Донецк ЦIыхубэ Республикэм. Абы Донецк къалэм и еджапIэхэм хъумакIуэ лэжьыгъэхэр щегъэзащIэ.

УАРДЭ Жантинэ.
  • 90 просмотров
Поделиться: