Беларусым и чемпион

Беларусым и Солигорск къалэм дэт теннисымкIэ «Шахтёр» манежым ще­кIуэкIащ алыдж-урым бэнэкIэмкIэ къэралым и чемпионат. Абы и саугъэтхэм щIэбэнащ а къэралым и щIыналъэ псоми икIа бэнакIуэ нэхъ лъэщхэр, псори зэхэту 300-м нэблагъэ. 

Зи хьэлъагъыр килограмм 77-м нэблагъэхэм я гупым щыбэнащ Къэбэрдей-Балъкъэрым щыщ, Мо­гилёв къалэм и цIэкIэ уты­ку къихьэ Кыл Казбек. ИригъэкIуэкIа пэщIэдзэ зэ­Iу­щIэхэм шэч къызы­ту­мы­хьэн текIуэныгъэ къыщы­зыхьа адыгэ щIалэщIэм фи­­налым хьэрхуэрэгъу къы­щыхуэхъуащ Гроднэ къа­лэм щыщ, зыбжанэрэ Беларусым и чемпион хъуа Лях Павел. Казбек абыи ефIэкIащ икIи къэралым и дыщэ медалыр зыIэригъэ­хьащ. 
Фигу къэдгъэкIыжынщи, Кыл Казбек 2017 гъэм Беларусым и чемпиону щытащ. 2012 гъэм щIалэгъуалэ дунейпсо чемпионатым щытекIуащ, зыбжанэрэ Европэм и зэхьэзэхуэхэм къы­щы­хэжаныкIащ. 
 

Жыласэ Замир.
Поделиться:

Читать также: