Псейхэр щхьэхуэу зэщIакъуэж

ИлъэсыщIэм къагъэсэбэпа псейхэр зэщIэкъуэжыным теухуа Iуэху щхьэпэ иджыблагъэ щекIуэкIащ Къэбэрдей-Балъкъэр Республикэм. Ар зэщIыгъуу къызэрагъэпэщат Налшык къалэ администрацэм, «Экологистикэ»-м, къалэм зегъэужьынымкIэ «Платформэ» IуэхущIапIэмрэ «Зеленый дозор» экологие зэщIэхъееныгъэмрэ. 

ЦIыхухэм илъэсыщIэм ябла псейхэр къагъэлъэгъуа щIыпIэхэм ирашалIэурэ ятащ, абы пэкIуэж саугъэтхэри ягуэшащ. Апхуэдэу, Шортэным и цIэр зезыхьэ уэрамым деж щылажьэ хэщIапIэм ирашэлIащ псей 17, «Искож» районым псеи 10, ипподром Iэшэлъашэм псеи 2. ЦIыхухэм ящIэу къыщIэкIынукъым псейхэр зэхуэхьэсыным и сэбэпынагъыр, армыхъумэ нэхъыбэм ятыну къыщIэкIынт. 
«Экологистикэ»-м» ди цIыхухэр къыхуреджэ псейхэр кIэрыхубжьэрыхухэр щызэхуахьэс контейнерхэм ирамыдзэну. Япэрауэ, абы контейнерыр екудэ, къищынэмыщIауэ, жыгым екъутэ кIэрыхубжьэрыхухэр зэрыIуаш машинэр. НэхъыфIщ фызыхуэмеиж псейхэр контейнер джабэм деж щызэхуэфхьэсмэ. Ар «Экологистикэ»-м» щхьэхуэу Iуишынущ. 
 

 

Фырэ Анфисэ.
Поделиться: