|
|
Спорт
26 октября, 2023 - 10:31
Ставрополь куейм хыхьэ Суворовскэ станицэм и «Урарту» спорткомплексым иджыблагъэ щекIуэкIащ боксымкIэ Никифоров-Денисов Николай и фэеплъ урысейпсо зэхьэзэхуэр, «Урысейм и щIалэгъуэ» зыфIащар. Абы щызэпеуащ илъэс 16-17 зи ныбжь боксерхэр.
Килограмм 54-рэ зи хьэлъагъхэм я деж япэ увыпIэр къыщихьащ Къэбэрдей-Балъкъэрым щыщ спортсмен ныбжьыщIэ Ныр Идар. КIэух зэпеуэм ар хуэзащ Кърымым щыщ Меметов Сабри икIи зэIущIэм кърикIуахэм хэплъа нэужь судьяхэм зэакъылъэгъуу ди щIалэм текIуэныгъэр къратащ.
26 октября, 2023 - 10:31
Къэбэрдей-Балъкъэрым и япэ Президент КIуэкIуэ Валерэ и фэеплъу шыкIэ гъуэгуанэ зэхуэмыдэхэр къызэпычынымкIэ урысейпсо зэхьэзэхуэ «Джэдыкъуэ Плъыжь» шы спорт комплексым иджыблагъэ щекIуэкIащ.
Шууейхэр зэпеуащ километр 40, 80, 120-рэ,160-рэ зи кIыхьагъ гъуэгуанэхэм. Абы къыщыхэжаныкIахэр медалхэмкIэ, кубокхэмкIэ, щIыхь тхылъхэмкIэ, апхуэдэуи ахъшэ саугъэтхэмкIэ ягъэпажащ.
25 октября, 2023 - 09:22
МедалиплI я Iэрылъхьэу
УФСБ-м и подполковник Лататуев Владимир и фэеплъу Ярославль къалэм иджыблагъэ щекIуэкIащ алыдж-урым бэнэкIэмкIэ урысейпсо зэхьэзэхуэ. Абы щызэпеуащ къэралым и щIыналъэхэм я спортсмен ныбжьыщIэу 150-м нэблагъэ.
Къэбэрдей-Балъкъэрым и командэм зэпеуэм медалиплI къыщихьащ. Килограмм 97-рэ зи хьэлъагъхэм я деж щыбанэ Хьэхъуокъуэ Темыркъан къытекIуэн къахэкIакъым. Ди щIалэр мыбы чемпион щыхъуащ.
24 октября, 2023 - 14:30
Кавказ Ищхъэрэмрэ Ипщэ федеральнэ округымрэ я спортсмен ныбжьыщIэхэм каратэмкIэ я зэхьэзэхуэ Тырныауз къалэм и «Геолог» спорткомплексым иджыблагъэ щекIуэкIащ. Ар къызэрагъэпэщат Iуащхьэмахуэ куей администрацэм Физкультурэмрэ спортымкIэ и комитетымрэ МВД-м и къудамэу районым щыIэмрэ икIи теухуауэ щытащ зи къалэнхэр зыгъэзащIэу хэкIуэда хабзэхъумэхэм. Абы хэтащ каратист ныбжьыщIэу 250-м щIигъу.
24 октября, 2023 - 13:00
Налшык къалэм иджыблагъэ щекIуэкIащ Урысей Федерацэм бэнэкIэ хуитымкIэ спортым и мастер Жылэтеж Ахьмэд и фэеплъу щыта езанэ урысейпсо зэхьэзэхуэр. Абы кърихьэлIащ къэралым и щIыналъэ 17-м я спортсмен ныбжьыщIэу 180-рэ.
Къэбэрдей-Балъкъэрым и командэм зэхьэзэхуэм фIыуэ зыкъыщигъэлъэгъуащ икIи медали 8 къыщихьащ.
Я хьэлъагъ елъытауэ зыхэта гупхэм япэ увыпIэр щаубыдащ Жыласэ Рустам (кг 61-рэ), Джыджий Тамирлан (кг 86-рэ).
ЕтIуанэ увыпIэм дэкIуеящ Къалэбатэ Абдул (кг 57-рэ), Гергоков Саид (61-рэ), Хасауов Смаил (кг 70), сымэ.
24 октября, 2023 - 12:46
Кавказ Ищхъэрэм и щIыналъэхэм тхэквондэмкIэ я федерацэм и секретарь нэхъыщхьэ Къанкъул Беслъэн къызэрыджиIамкIэ, Дагъыстэным и Каспийск къалэм жэпуэгъуэм и 14 - 16-хэм щекIуэкIащ Урысей Федерацэм паралимпийскэ тхэквондомкIэ (ВТФ, Олимп джэгухэм хыхьэмкIэ) и чемпионат.
22 октября, 2023 - 07:00
Урысей Федерацэм Спорт бэнэкIэхэмкIэ и федерацэм и пресс-IуэхущIапIэм иджыблагъэ зэбгригъэха хъыбарым къызэрыхэщымкIэ, Албанием и къалащхьэ Тиранэ жэпуэгъуэм и 23 - 29-хэм щызэхэтынущ бэнэкIэ хуитымрэ алыдж-урым бэнэкIэмкIэ дунейпсо зэхьэзэхуэ. ЦIыхухъухэмрэ цIыхубзхэмрэ абы щыщIэбэнынущ медаль комплекту 30-м.
21 октября, 2023 - 08:00
Къэбэрдей-Балъкъэрым и Май щIыналъэм иджыблагъэ щыхьэщIащ къэралым и щIыхьыр спорт утыкушхуэхэм лъагэу щызыIэта спортсмен цIэрыIуэхэр.
18 октября, 2023 - 14:00
«Iуащхьэмахуэ» СОБР-м и командиру щыта Щоджэн Къадир и фэеплъу волейболымкIэ къалэ зэхьэзэхуэ иджыблагъэ Бахъсэн къыщызэрагъэпэщащ. Абы хэтащ къалэм и курыт еджапIэхэм я командэхэр.
18 октября, 2023 - 12:41
Ставрополь къалэм иджыблагъэ щызэхэтащ щIыналъэхэм бэнэкIэ хуитымкIэ я зэхьэзэхуэ зэIуха. «Зэныбжьэгъугъэ» фIэщыгъэр зезыхьа а спорт зэхуэсым кърихьэлIащ 2007 - 2008 гъэхэм къалъхуа бэнакIуэхэр.
Страницы
|
