|
|
Спорт
3 ноября, 2023 - 14:00
Урысей Федерацэм КикбоксингымкIэ и федерацэм иджыблагъэ зэхилъхьэжащ жэпуэгъуэм и 25 - 29-хэм Мэзкуу областым и Раменскэ къалэм щекIуэкIа, ШОС-м хэт къэралхэм я чемпионат зэIухамрэ пашэныгъэр абы къыщыхьынымкIэ екIуэкIа зэIущIэхэмрэ къарикIуахэр.
30 октября, 2023 - 15:12
Краснодар къалэм иджыблагъэ щекIуэкIащ иджырей пятиборьемкIэ УФ-м щIыхь зиIэ и тренер Тютюев Сергей и фэеплъ урысейпсо зэхьэзэхуэ. Абы хэтащ къэралым и щIыналъэ зэхуэмыдэхэм я спортсмени 150-м нэблагъэ.
Зэхьэзэхуэм хэтащ Къэбэрдей-Балъкъэрым и командэ къыхэхар икIи ехъулIэныгъэ хъарзынэхэр къыщигъэлъэгъуащ - КIужь Малик, БакIуу Астемыр, Iэхъуэбэч Чэрим сымэ абы ещанэ увыпIэхэр къыщахьащ. Зэхьэзэхуэм ахэр хуагъэхьэзыращ Зенин Игорьрэ Корзилов Виталийрэ.
30 октября, 2023 - 14:55
Урысейм и Кубокым щIэбэну
Уфа къалэм щекIуэкIащ Урысейм и кубокыр алыдж-урым бэнэкIэмкIэ къэхьыным хуэунэтIа щхьэзакъуэ, гуп зэхьэзэхуэхэр. Зэпеуэм кърихьэлIат къэралым и щIыналъэ зэхуэмыдэхэм къикIа спортсмени 190-рэ. Ахэр щIэбэнащ Башкортостаным и Iэтащхьэм и саугъэтми.
Гупхэм я зэхьэзэхуэм Къэбэрдей-Балъкъэрым етIуанэ увыпIэр къихьащ, Новосибирск областым и спортсменхэр япэ иригъэщри.
30 октября, 2023 - 14:44
Ханты-Мансийск автономнэ округым щыщ Нефтеюганск щIыналъэм и Пойковскэ къалэм иджыблагъэ щекIуэкIащ Урысей Федерацэм спорт бэнэкIэхэмкIэ и федерацэм и унафэщIым и къуэдзэ Семёнов Владимир и цIэкIэ ягъэува саугъэтыр бэнэкIэ хуитымкIэ къэхьыным теухуа 17-нэ дунейпсо зэхьэзэхуэ. Зэпеуэм хэтащ спортсмени 137-рэ.
28 октября, 2023 - 13:50
Мас-рестлингымкIэ турнир зэIуха
«Кавказ мамыр» ХII Урысейпсо щэнхабзэ-спорт фестивалым хыхьэу иджыблагъэ Владикавказ щекIуэкIащ мас-рестлингымкIэ зэпеуэ. Абы кърихьэлIащ ди къэралым и щIыналъэхэм я спортсмени 100-м щIигъу.
27 октября, 2023 - 14:31
Хьэрып Эмират Зэгуэтхэм иджыблагъэ щекIуэкIащ дзюдомкIэ Олимп джэгухэм хэтыфынухэр къызэрыхах зэхьэзэхуэ. Абы хэтащ Къэбэрдей-Балъкъэрым и гъэсэн бэнакIуэ Блий Iэюб икIи ещанэ увыпIэр къыщихьащ.
2024 гъэм Париж щрагъэкIуэкIыну Олимп джэгухэм зи зэфIэкI къыщызыгъэлъэгъуэфынухэм халъытэн папщIэ, ди щIалэр яхэхуэн хуейщ, зэIущIэм къарикIуахэр зэхалъхьэжа нэужь абы нэхъыфIу къыщалъыта дзюдоист 30-м икIи Блийм ар хъарзынэу зригъэхъулIащ.
27 октября, 2023 - 14:00
Налшык къалэм и «Налшык» спорткомплексым иджыблагъэ щекIуэкIащ «Спортыр наркотикым и бийщ» фIэщыгъэм щIэт, Къэбэрдей-Балъкъэрым самбэмкIэ пашэныгъэр къыщыхьыным теухуауэ ныбжьыщIэхэм папщIэ къызэрагъэпэща зэхьэзэхуэ.
Абы кърихьэлIащ бэнакIуэ 250-м щIигъу икIи ахэр я хьэлъагъ елъытауэ гупипщIу гуэшауэ щытащ.
Удэзыхьэхыу икIи гъэщIэгъуэну екIуэкIа зэпеуэхэм къыщыхэжаныкIахэм медалхэмрэ щIыхь тхылъхэмрэ иратащ, абы къыдэкIуэу, абыхэм Iэмал ягъуэтащ Кавказ Ищхъэрэм и щIыналъэхэм самбэмкIэ ирагъэкIуэкIыну зэхьэзэхуэм хэтыну.
26 октября, 2023 - 10:31
Ставрополь куейм хыхьэ Суворовскэ станицэм и «Урарту» спорткомплексым иджыблагъэ щекIуэкIащ боксымкIэ Никифоров-Денисов Николай и фэеплъ урысейпсо зэхьэзэхуэр, «Урысейм и щIалэгъуэ» зыфIащар. Абы щызэпеуащ илъэс 16-17 зи ныбжь боксерхэр.
Килограмм 54-рэ зи хьэлъагъхэм я деж япэ увыпIэр къыщихьащ Къэбэрдей-Балъкъэрым щыщ спортсмен ныбжьыщIэ Ныр Идар. КIэух зэпеуэм ар хуэзащ Кърымым щыщ Меметов Сабри икIи зэIущIэм кърикIуахэм хэплъа нэужь судьяхэм зэакъылъэгъуу ди щIалэм текIуэныгъэр къратащ.
26 октября, 2023 - 10:31
Къэбэрдей-Балъкъэрым и япэ Президент КIуэкIуэ Валерэ и фэеплъу шыкIэ гъуэгуанэ зэхуэмыдэхэр къызэпычынымкIэ урысейпсо зэхьэзэхуэ «Джэдыкъуэ Плъыжь» шы спорт комплексым иджыблагъэ щекIуэкIащ.
Шууейхэр зэпеуащ километр 40, 80, 120-рэ,160-рэ зи кIыхьагъ гъуэгуанэхэм. Абы къыщыхэжаныкIахэр медалхэмкIэ, кубокхэмкIэ, щIыхь тхылъхэмкIэ, апхуэдэуи ахъшэ саугъэтхэмкIэ ягъэпажащ.
25 октября, 2023 - 09:22
МедалиплI я Iэрылъхьэу
УФСБ-м и подполковник Лататуев Владимир и фэеплъу Ярославль къалэм иджыблагъэ щекIуэкIащ алыдж-урым бэнэкIэмкIэ урысейпсо зэхьэзэхуэ. Абы щызэпеуащ къэралым и щIыналъэхэм я спортсмен ныбжьыщIэу 150-м нэблагъэ.
Къэбэрдей-Балъкъэрым и командэм зэпеуэм медалиплI къыщихьащ. Килограмм 97-рэ зи хьэлъагъхэм я деж щыбанэ Хьэхъуокъуэ Темыркъан къытекIуэн къахэкIакъым. Ди щIалэр мыбы чемпион щыхъуащ.
Страницы
|
