Шынэн зэрыщигъэту, гъуэгум тогъуэщыкIМисрий Зуннун и цIэу дин щIэныгъэлIышхуэ псэуащ, телъыджэ куэд далъэгъуауэ, псалъэ шэрыуэхэр къызэринэкIауэ. Дунеягъэм уи щIыб хуэбгъазэу, Алыхьталэм зептыным сыт щхьэусыгъуэ хуэхъуар, жаIэри еупщIат Зуннун. Жэуап къаритащ: «Гъуэгу сытету сыкIуэрэ пэт, сешри зызгъэпсэхуну сытIысати, сыIурихащ махуэ гуэрым. Си нэр къыщызэтесхым, спэмыжыжьэу и абгъуэм къихуа бзу цIыкIу къэслъэгъуащ. Еплъын сымыухыурэ, асыхьэтым бзу цIыкIум и бгъум деж щIыр щызэгуэкIри, шейщIэт цIыкIуитI къэхутащ. Зым кунжут жылэ илът, адрейм псы итт. Бзу цIыкIум жылэхэр ишхри, псыи трифыхьыжащ. Абы иужькIэ Алыхьталэм фIэкIа, зыри къысфIэIуэхужакъым». ЦIыхум и ахърэт гъуэгур зылъахъэ щхьэусыгъуэхэр хы мэхъу, - жиIэрт Зуннун. 1) Псапэ щIэным зэремылIалIэр. 2) ШейтIаным и чэнджэщхэм зэредаIуэр. 3) ЛIэныгъэр цIыхум и лъэмбым зэримыкIыр зэрыщыгъупщэр. 4) Псэ зыIут псори арэзы ищIкIэрэ Алыхьыр арэзы зыхуищIыным зэрелъэпауэр. 5) Бегъымбар лъапIэу щэлатрэ сэламымрэ зэхамрэ абы и щэхьабэхэмрэ зытета гъуэгум техьарэ пэт, и хъуэпсапIэхэр къытекIуэу абы зэрытегъуэщIыкIыжыр. 6) Хьэлимышхуэхэм фIыуэ ядилъэгъуар зыщигъэгъупщэу, езыр зэрыщхьэхынэр абыхэм зэратрилъхьэр. Зуннун жиIахэм щыщ: - Тобэ къэпхьыжар пэжмэ, гуэныхьым пэIэщIэ зыпщIыпхъэщ. - Iэпкълъэпкъыр зэрымыузыншэр зыгуэр къызэреузым къегъэлъагъуэ. Алыхьыр фIыуэ зылъагъур Абы цIыху псоми яхиIэтыкIа Бегъымбар лъапIэу щэлатрэ сэламымрэ зэхам щэнкIи, IуэхущIафэкIи, унафэкIи дэплъеймэщ жиIэр уи фIэщ щыхъунур. - ФIэщхъуныгъэ нэс зыбгъэдэлъым Алыхьталэм нэмыщI гъусэ къилъыхъуэркъым, Ар псэлъэгъуу ирокъу. - ЦIыхур шынэхущ диным зэрелIалIэр. Шынэн зэрыщигъэту, гъуэгум тогъуэщыкI. - ШхынкIэ куда лъатэм акъылыр ихьэнукъым. Си ныбэ изу сышхэху, гуэныхь гуэрым сыхохуэ е сщIэну сытогушхуэ. Зуннун дунейм щехыжам щыгъуэ, кхъэм яхь и хьэдэм абы ипэкIэ зыщIыпIи щамылъэгъуа бзу удзыфэхэр щхьэщылъэтауэ жаIэж. ЧЭРИМ Марианнэ.
Поделиться:
Читать также:
27.04.2024 - 17:14 →
Витебск зыкъыщагъэлъэгъуэнущ
27.04.2024 - 13:04 →
Макъамэм зэфIэкI щызиIэхэр
27.04.2024 - 10:01 →
Макъамэ Iэмэпсымэхэр зыгъэбзэрабзэхэр
26.04.2024 - 15:39 →
ПащIэ Бэчмырзэ и дыщэ пхъуантэр
23.04.2024 - 18:33 →
«Дыщэ джыдэ цIыкIур» зыхуагъэфэщахэри яхэту
|