17 сентября, 2021 - 14:15
Мы махуэхэм Къэзан щекIуэкIащ самбэмкIэ ныбжьыщIэхэм я урысейпсо зэхьэзэхуэ.
14 сентября, 2021 - 13:44
ФокIадэм и 10-11-хэм Волгоград къалэм щекIуэкIащ «Динамо» урысейпсо физкультурэ спорт зэгухьэныгъэ и къэрал зэхьэзэхуэ. Абы и саугъэтхэмрэ Урысейм и зэхьэзэхуэм кIуэну Iэмалымрэ щIэбэнащ зи ныбжьыр илъэс I5-I7-м ит щIыналъэ 27-м къикIа спортсмен 400-м щIигъу.
13 сентября, 2021 - 14:30
Урысейм и къэрал автоинспекцэм и махуэр Iуащхьэмахуэ дэкIынымкIэ ягъэлъэпIащ. IэнатIэм и лэжьакIуэхэр метр 5642-м дашащ бгым дэкIыныр зи IэщIагъэу щыт Теммоев Албэчрэ Хаджиев Русланрэ.
13 сентября, 2021 - 10:42
Футбол Лъэпкъ Лигэм и етIуанэ дивизионым щекIуэкI зэхьэзэхуэм и ебгъуанэ джэгугъуэм хиубыдэу «Спартак-Налшыкым» къригъэблэгъат зэхьэзэхуэм и турнир таблицэм пашэныгъэр щызыIыгъ Ростов областым хыхьэ Песчанокопскэ къалэм и «Чайка»-р.
10 сентября, 2021 - 10:17
Швейцарием и Цюрих къалэм щокIуэкI атлетикэ псынщIэмкIэ «Налкъутналмэс лигэ» хыхьэ дунейпсо зэхьэзэхуэ. Абы и япэ махуэм дыщэ медалыр къыщихьащ лъагэу дэлъеинымкIэ олимп чемпионкэ Ласицкене Марие.
10 сентября, 2021 - 09:15
Къэралым и щIыпIэ куэдым къыщацIыхуу щыта щIэныгъэлI, зэман кIыхькIэ КъБКъУ-м и ректору лэжьа, республикэр, ди лъэпкъыр зэрыгушхуэ цIыху щэджащэ Лъостэн Владимир Чэлимэт н къуэм и гъащIэр уафэхъуэпскIым ещхьу нэхурэ гукъинэт.
9 сентября, 2021 - 13:10
Тэтэрстаным и къалащхьэ Къэзан щекIуэкIащ Къэрал Щхьэхуитхэм я Зэгухьэныгъэм (СНГ) хэтхэм спорт бэнэкIэмкIэ я I лъэпкъхэм зэдай джэгухэр. Абы къыщыхэжаныкIащ ди лъахэгъухэу Гъуэныбэ Ауесрэ ЗакIуий Азэмэтрэ.
Япэу утыку къихьащ алыдж-урым бэнакIуэхэр. Килограмм 82-м нэс зи хьэлъагъхэм я зэпеуэм зыри къыщыпэлъэщакъым Гъуэныбэ Ауес. И хьэрхуэрэгъу псори хигъащIэри, ар финалым нэсащ. Абыи къыщыпэувам зы очкои Iэригъэхьакъым адыгэ щаIлэм икIи хуэфащэ дыдэу дыщэ медалымрэ чемпионыгъымрэ зыIэригъэхьащ.
8 сентября, 2021 - 10:32
Урысей Федерацэм футболымкIэ и премьер-лигэм 202I-2022 гъэхэм щекIуэкI зэхьэзэхуэр иухыхукIэ Мэзкуу и «Спартак»-м и гъуащхьэхъумэныкъуэ Мырзэ Резуан «Химки» командэм бэджэнду щигъэкIуэнущ. Гупым и тренерыщIэ Виторий Руи абы къыхуэмеищэу къыщIэкIащ.
8 сентября, 2021 - 09:40
Атлетикэ хьэлъэмкIэ дунейми Европэми я чемпион, 2004 гъэм Афинхэм щекIуэкIа Олимп джэгухэм дыжьын медалыр къыщызыхьа Аккаев Хьэжмурат спорт зэхьэзэхуэхэм хэтыну хуимыту къыхуагъэуващ 2035 гъэм щIышылэм (январым) и 22-м пщIондэ.
Апхуэдэ хъыбар зэбгригъэхащ Атлетикэ хьэлъэмкIэ дунейпсо федерацэм (IWF) и пресс-IуэхущIапIэм. Балъкъэр щIалэм а тезыр хьэлъэр къытралъхьащ зэхьэзэхуэхэм хэтыну хуимыту зыкъыщигъэлъэгъуэу Допингым пэщIэтынымкIэ регламентым и IыхьитI къызэрызэпиудамкIэ.
Страницы
