|
|
Спорт
29 июля, 2021 - 07:35
Венгрием и къалащхьэ Будапешт щекIуэкIащ зи ныбжьыр илъэс пщыкIуий иримыкъуахэм бэнэкIэ хуитымкIэ я дунейпсо зэпеуэ. Абы етIуанэ увыпIэр щиубыдащ Iэщын Алихъан.
27 июля, 2021 - 16:07
XXXII Гъэмахуэ Олимп джэгухэм Урысейм и олимп и спортсменхэм (ROС) япэ медалхэр къыщахьащ.
26 июля, 2021 - 12:35
Урысей Федерацэм футболымкIэ и етIуанэ дивизионым и Япэ гупым 2021 - 2022 гъэхэм щекIуэкI зэхьэзэхуэр «Спартак-Налшыкым» Дон Iус Ростов къыщыщIидзащ. ЗэIущIэр хуабжьу удэзыхьэхыу екIуэкIами, лъэныкъуитIми яхузэфIэкIакъым зым адрейм топ худигъэкIыну. Арати, джэгур зэрытемыгъэкIуауэ, 0:0-у, иухащ.
23 июля, 2021 - 16:30
Японием и къалащхьэм нобэ къыщызэIуахащ илъэс ипэкIэ зэхэтын хуея XXXII Гъэмахуэ Олимп джэгухэр. Ар щыщыIэну пIалъэм ирихьэлIэу, коронавирус уз зэрыцIалэр хъийм икIати, адрей спорт зэхьэзэхуэ инхэми хуэдэу ягъэIэпхъуат, Iуэхур илъэскIэ тэмэмыжыну щыгугъыу. АрщхьэкIэ…
20 июля, 2021 - 10:00
Мэзкуу и «Спартак»-м и гъуащхьэхъумэныкъуэ Мырзэ Резуан «Париматч Премьер кубокыр» илъэс етIуанэ хъуауэ зыIэрегъэхьэ. Къэралым и зи чэзу чемпионатым щIадзэным и пэ къихуэу ар ирагъэкIуэкI. Нэгъабэ ди лъахэгъур зыхэт гупыр Катарым щытекIуащ, иджы Урысей Федерацэм и къалащхьэм щынэхъ лъэщащ.
19 июля, 2021 - 14:05
«Спартак-Налшыкым» япэ текIуэныгъэр къихьащ тренер нэхъыщхьэу къэзыгъэзэжа Биджиев Хьэсэнбий и унафэм щIэту. Урысей Федерацэм футболымкIэ и кубокыр 2022 гъэхэм къэхьыным теухуауэ зэхаубла зэхьэзэхуэм и финалым и I/256-нэ Iыхьэм абы 3:2-уэ щыхигъэщIащ къахуеблэгъа Мэхъэчкъалэ и «Динамо»-р.
16 июля, 2021 - 15:50
«Спартак-Налшык» сабий-ныбжьыщIэ спорт школым и гъэсэн, 2004 гъэм къалъхуахэм я гупым и капитан ХьэцIыкIу Амур зэгурыIуэныгъэ ирищIылIащ премьер-лигэм щыджэгу «Сочи» ФК-м и щIалэгъуалэ командэм.
НэхъапэIуэкIэ ХьэцIыкIур хэтащ «Алания» футбол академием и гупым. Иджы абы зыкъыщигъэлъэгъуэнущ Урысей Федерацэм и щIалэгъуалэ зэхьэзэхуэм. Ар и гъэсэнщ «Спартак-Налшык» ДЮСШ-м и тренер Шагъыр Исмел.
16 июля, 2021 - 15:03
Футбол
Иджыблагъэ, бадзэуэгъуэм и 2-м, и ныбжьыр илъэс 50 ирикъуащ балъкъэр футболист цIэрыIуэ, Къэзахъстаным и чемпион Гуртуев Владимир. Ар ди республикэм щекIуэкI зэхьэзэхуэхэм иджыпсту и судья нэхъыщхьэщ.
16 июля, 2021 - 09:20
Венгрием и Секешвехервар къалэм мы махуэхэм щекIуэкIащ атлетикэ псынщIэмкIэ Дьюлаи Иштван и фэеплъ лъэпкъхэм зэдай зэхьэзэхуэхэр. Абы хэтащ лъагэу дэлъеинымкIэ иужьу Доха щызэхэта Дунейпсо чемпионатым и дыжьын медалыр къыщызыхьа Акименкэ Михаил.
16 июля, 2021 - 08:15
Лермонтов къалэм (Ставрополь край) щыIэ Урысейм и МЧС-м и еджапIэ-зыщагъасэ центрым щекIуэкIащ мафIэсгъэункIыфI-къегъэлакIуэ спортымкIэ щIыналъэ зэхьэзэхуэхэр. Абы хэтащ Кавказ Ищхъэрэ, Ипщэ федеральнэ щIыналъэхэм щыIэ УФ-м и МЧС-м я Управленэ нэхъыщхьэхэм я команди 10.
Страницы
|
