МафIэсгъэункIыфI- къегъэлакIуэ Зи лэжьыгъэм хуэIэижь

16 июля, 2021 - 08:15

 Лермонтов къалэм (Ставрополь край) щыIэ Урысейм и МЧС-м и еджапIэ-зыщагъасэ центрым щекIуэкIащ мафIэсгъэункIыфI-къегъэлакIуэ спортымкIэ щIыналъэ зэхьэзэхуэхэр. Абы хэтащ Кавказ Ищхъэрэ, Ипщэ федеральнэ щIыналъэхэм щыIэ УФ-м и МЧС-м я Управленэ нэхъыщхьэхэм я команди 10.

 Спортсменищэм щIигъу зэхьэзэхуащ мафIэсыр гъэункIыфIыным, насыпыншагъэ къызыхукъуэкIахэр къегъэлыным унэтIыныгъэхэмкIэ. Къэбэрдей-Балъкъэрым и командэ къыхэхам хэтащ НэкIус Мурат, ШэмпIар Къазбэч, Къудей Азэмэт, Сэхъурокъуэ Аслъэн, Жэмыхъуэ Кушбий, Абазэ Алим, Мисиров Тимур, Гъыдэ Артур, ФиIэпщэ Изнаур, Iэщыжь Анзор, Куэшей Мурат, Шыбзыхъуэ Дамирэ сымэ. Гупыр зэхьэзэхуэхэм хуигъэхьэзыращ Мисиров Ибрэхьим.
 Зэпеуэхэм я нэхъ гугъу дыдэу къалъытэ еплIанэ къатым кIэрагъэувэ пкIэлъейкIэ дэкIуеиным пашэныгъэр щиубыдащ ШэмпIар Къазбэч. ЛъагапIэр абы къызэринэкIащ секунд 13,85-кIэ.

 

Жыласэ Замир.
  • 19 просмотров
Поделиться:

Читать также:

10.05.2024 - 16:04 → Медаль 59-рэ къахь!
08.05.2024 - 17:33 → ТекIуэныгъэм и щIыхькIэ
08.05.2024 - 17:00 → ТекIуэныгъэм хуэпабгъэу
08.05.2024 - 16:28 → Тай боксым дихьэххэм къахохъуэ
08.05.2024 - 16:00 → Шабзауэхэм я зэфIэкIыр