Ярославль зыкъыщагъэлъагъуэ

Подполковник Лататуев Владимир и фэеплъ урысейпсо зэхьэзэхуэ алыдж-урым бэнэкIэмкIэ Ярославль къалэм иджыблагъэ щекIуэкIащ. Абы щхьэхуэу щыбэнащ я ныбжькIэ илъэс 18 иримыкъуахэмрэ нэхъыжьхэмрэ. Нэхъыжьхэр спортсмени 173-рэ хъурт.
Къэбэрдей-Балъкъэрым и щIыхьыр яIэту а зэхьэзэхуэм цIыхуих хэтащ икIи зэфIэкIыфIхэр абы къыщагъэлъэгъуащ. Килорамм 97-рэ хъухэм я деж щыбанэ Хьэхъуэкъу Темыркъан япэ увыпIэр къихьащ. ЩIалэм и тренерыр Абазэ Тимофейщ. ЕIтуанэ увыпIэр къихьащ Мэкъуауэ Малик и гъэсэн Къер Азэмэт. Ар щыбанэр килограмм 77-рэ хъухэм я дежщ.

Зи ныбжьыр илъэс 18 иримыкъуахэр цIыхуи 187-рэ хъуащ. Абыхэм яхэту зыкъагъэлъэгъуащ КъБР-м и бэнакIуиплIым икIи домбеякъ медалу щы къахьащ. Ещанэ хъуащ Ачабаев Музэфар и гъэсэн Джаппуев Ислъам (кг 60). Абы нэмыщI, апхуэдэ ехъулIэныгъэхэр зыIэрагъэхьащ Елчэпэр Мурат и гъэсэнхэу Щомахуэ Муратрэ ЛыфыщI Рустамрэ. ЩIалэхэр щыбанэр килограмм 71-рэ зи хьэлъагъхэм я дежщ.