ТIуми медаль зырыз

7 мая, 2025 - 09:53

Зи Iэпкълъэпкъыр тэмэму къызыдэмыбзхэм пауэрлифтингымкIэ я къэралпсо чемпионат Владимир областым щекIуэкIащ. Абы щызэпеуащ УФ-м и щIыналъэхэм ящыщу 40-м я спортсмен 200-м нэблагъэ.

Къэбэрдей-Балъкъэрым щыщу чемпионатым спортсменитI хэтащ икIи ехъулIэныгъэ хъарзынэхэр абы щызыIэрагъэхьащ. Килограмм 75-рэ зи хьэлъагъхэм я деж дыщэ медаль къыщихьащ Гугъуэт СулътIан. Къыхэдгъэщынщи, тренер къалэнхэри игъэзащIэу зэхьэзэхуэм щыIащ мы щIалэр.

Псалъэм къыдэкIуэу, Гугъуэтым и гъэсэн Таукенов Алан чемпионатым и дыжьын медалыр къихьащ. ЩIалэр хэтащ килограмм 49-рэ, 54-рэ зи хьэлъагъхэм я зэпеуэхэм.

БЭБЭЧ Башир.
  • 46 просмотров
Поделиться: