|
Махуэгъэпс
9 сентября, 2022 - 06:19
Дахагъэм и дунейпсо махуэщ
Кърум и дунейпсо махуэщ
Танкистым и махуэщ. 1946 гъэм Москва и Утыку Плъыжьым щекIуэкIащ танк дивизэм, Кантемировхэ я цIэр зезыхьэм, и парад. Абы лъандэрэ фокIадэм и етIуанэ тхьэмахуэ махуэр а дзэ лIэужьыгъуэм и махуэщ. Ар щагъэлъапIэ Белоруссиеми Украинэми.
Дизайнер-графикым и махуэщ
Таджикистан Республикэм и щхьэхуитыныгъэм и махуэщ
Молдовэ Республикэм и къэрал шынагъуэншагъэр къызэзыгъэпэщ лэжьакIуэхэм я махуэщ
8 сентября, 2022 - 06:00
ЩIэныгъэ зэгъэгъуэтыным и дунейпсо махуэщ. ООН-м щIэныгъэншагъэр гъэкIуэдыным теухуауэ къищта унафэм ипкъ иткIэ ягъэувауэ 1966 гъэ лъандэрэ ягъэлъапIэ.
Журналистхэм я зэкъуэтыныгъэм и дунейпсо махуэщ. Фашизмэм и бийхэм ящыщ чех журналист Фучик Юлиус Берлин и тутнакъэщ Плётцензее 1943 гъэм фокIадэм и 8-м гуузу щаукIауэ щытащ.
Урысейм и Дзэ щIыхьым и махуэщ – Кутузов Михаил зи унафэщI урысеидзэм Бородино и деж щригъэкIуэкIа зауэшхуэм и махуэщ
Финансистым и махуэщ
7 сентября, 2022 - 15:35
КъухьэпIэ Кавказым и псыежэх нэхъ ин дыдэхэм ящыщщ.
7 сентября, 2022 - 14:30
Хьэуа къабзэм и дунейпсо махуэщ
Iэщэхэм ещхь зэрыджэгу сабий хьэпшыпхэр гъэкIуэдыжыным и дунейпсо махуэщ
Бразилием и щхьэхуитыныгъэм и махуэщ. 1822 гъэм къащтащ ар Португалием къызэрыхэкIым теухуа унафэр.
1688 гъэм Москва мафIэсышхуэ дыдэ къыщыхъуащ. Абы щIыпIэшхуэ иубыдат икIи члисэ 20-м щIигъурэ унэ лъапсэу миным нэблагъэрэ хисхьат.
7 сентября, 2022 - 11:18
Япэ бжьыхьэ мазэр иджырей фокIадэр аращ, абы и 22-м къихьэу. Бжьыхьэпэ мазэр къихьамэ, гуахъуэ хэх укIуэ хъунущ», жаIэу щытащ. Ар цIыхухэм фIыуэ ягъэунэхуа Iуэхут. Бжьыхьэр къихьамэ, жыгхэм я хэхъуэныр щагъэт, пхъэ кумылэр мэж, пхъэ хъунур ягъэхьэзыр.
6 сентября, 2022 - 06:39
Нобэ
Цыплъхэм я дунейпсо махуэщ
Болгариер щызэгухьэжа махуэщ. 1885 гъэм Болгарие пащтыхьыгъуэм гухьэжащ КъуэкIыпIэ Румелие щIыналъэр.
5 сентября, 2022 - 10:13
Нобэ
♦Псапэ щIэным и дунейпсо махуэщ
♦Къзахъстаным щыпсэу лъэпкъхэм я анэдэлъхубзэхэм я махуэщ
♦Индием щагъэлъапIэ егъэджакIуэм и махуэр
♦1666 гъэм Лондон щагъэункIыфIащ махуищкIэ зыпэмылъэща мафIэсыр. Абы къалэм и ухуэныгъэхэм я Iыхьэ щанэр – унэ минипщIым нэсыр - хисхьат.
♦1698 гъэм Пётр Езанэм жьакIэ зытетхэм къуэды ятын зэрыхуейм теухуа унафэ къыдигъэкIащ.
2 сентября, 2022 - 10:40
Афыпс – Адыгэ Республикэм щежэх псыщ, Кавказ Шытх Нэхъыщхьэм хиубыдэ Афы бгым (метр 738-рэ и лъагагъщ) къыщожьэ, километр 96-рэ и кIыхьагъщ, Шапсыгъ псы хъумапIэм бгъэдэт Афыпсыпэ къуажэм бложри, сэмэгу лъэныкъуэмкIэ Псыжь щыхолъэдэж.
Лъахэхутэхэм я нэхъыбэм зэрыхуагъэфащэмкIэ, фIэщыгъэр абхъаз-абазэ лъэпкъ зэрыбыным щыщхэр щыблэмрэ уафэгъуагъуэмрэ я тхьэм зэреджэу я IуэрыIуатэм къыхэщ «Афы» цIэм къытехъукIащ. Дызэрыщыгъуазэщи, дэ, адыгэхэм, а псалъэм пэхъуну мы зэманым къэдгъэсэбэпыр Щыблэ фIэщыгъэрщ.
2 сентября, 2022 - 09:00
ЕтIуанэ дунейпсо зауэр щиуха махуэщ. Абы и щыхьэту, 1945 гъэм США-м и «Миссури» кхъухьым Iэ щытрадзащ Японием зэрызитым теухуа дэфтэрым.
Урысей гвардием и махуэщ
УФ-м и Полицэм и плъыр-пост къулыкъум и махуэщ
Вьетнамым и щхьэхуитыныгъэм и махуэщ (1945 гъ.)
1794 гъэм Одессэ къалэр ухуэн щIадзащ
1918 гъэм Урысейпсо гъэзэщIакIуэ комитет нэхъыщхьэм къызэригъэпэщащ Республикэм и дзэ советыр.
1943 гъэм Къанкъуэщ Ахьмэдхъан Совет Союзым и ЛIыхъужь цIэр къыфIащащ.
1 сентября, 2022 - 06:23
Нобэ
ЩIэныгъэхэм я махуэщ. Урысейм имызакъуэу, ар щагъэлъапIэ Совет Союзым хыхьэу щыта къэрал куэдми.….
Къэбэрдей-Балъкъэр Республикэм и Къэралыгъуэм и махуэщ. 1921 гъэм Къэбэрдей автономнэ областыр къызэрагъэпэщащ. I936 гъэм къыщыщIэдзауэ Къэбэрдей-Балъкъэр АССР-щ.
Къэбэрдей-Балъкъэр Республикэм и Конституцэм и махуэщ
Дзэ щIыхьым и къалэ, КъБР-м и щыхьэр Налшык и махуэщ
Страницы
|